2023/01/18

一隻岩晒秋天聽既碟--彭羚《窗外》

前排有秋意嗰時成日聽彭羚既《窗外》🪟,依隻碟真係好岩秋天聽🍂,無論係入面既歌所營造既氣氛,以至用好似楓葉咁既色既封面🍁,以上都好有秋天既感覺,睇返隻碟原來係1995年11月出,唔知當年有無咁既構思呢😗 .手上有既係SACD版,第一首歌〈音樂盒〉用喇叭聽既話,會聽到一開頭由左邊喇叭好清晰咁傳出上鏈聲,真實到好似係我隔黎幫緊個音樂盒上鏈咁😵 .第二首歌〈小玩意〉,一首好多人認識彭羚既歌,唱出小女人搵到幸福既喜悅🥰,但同第五首歌〈彷如隔世〉、第八首歌〈完全因你〉一樣由於可能我聽過好多次,所以我反而鍾意依隻碟既其他歌多d😗 .比較鍾意既有第六首歌〈情動〉,彭羚既歌聲非常澎湃同肉緊😣 .第十首〈盼那天再步近〉自從拎返依隻碟出黎聽之後,足足單曲循環左我一個禮拜既一首歌🤩,彭羚輕輕地唱出依歌,帶出嗰種不捨既感覺,嗰種心痛係由心底入面慢慢地慢慢地滲出黎🥹 .第十一首〈窗外〉,同第一首歌〈音樂盒〉夾埋一齊黎聽,成隻碟好似首尾呼應,令到隻碟整體上既感覺變得比較完整👍,另外,依首歌最尾以獨白收結,獨白中重覆「你記唔記得」,到最後只問及「你仲記唔記得」,帶出一種意猶未盡既感覺,就好似秋天帶畀人一種憂愁既感覺咁😔🍂 曲目: 1. 音樂盒 2. 小玩意 3. 只想得到愛 4. 註定相愛 5. 彷如隔世 6. 情動 7. 愛多年 8. 完全因你 9. 你知得太多 10. 盼那天再步近 11. 窗外 更多演唱會分享/樂評/碟評👇🏻 #Ally樂評 #廣東歌 #香港樂壇

評分
5/5
下一篇載入中