MUJI Cafe甜品驚艷之選日式焦糖梳乎厘奄列

下午茶時間去到銅鑼灣正想搵甜品食，突然諗起想試吓無印良品Cafe的甜品🍮，所以就去左位於利舞臺嘅Cafe&Meal MUJI😋。 MUJI Cafe 裝修係一貫的無印風格，大量的木元素裝修，枱，椅子都係木🪵，營造出溫暖的環境，簡約又舒適，桌椅整齊擺放，座位又好寬敞，令人感到放鬆。好啱悠閒咁享受下午茶或甜品。 ～ 梳乎厘奄列 $98 Souffle Omelette 梳乎厘奄列新鮮熱辣上枱即刻傳來陣陣蛋香，而且賣相好靚。除咗大大個鮮黃的梳乎厘奄列外仲配有新鮮士多啤梨同藍莓，還有忌廉。奄列上面有一層剛燒好的焦糖，少少微燶啡黃，視覺上加了不少分。切落去還聽到「卜卜」脆嘅聲音，十分香脆。而切開後見到奄列好厚身，有成5，6cm厚🤩，而且質地厚實，也有很多氣孔，令到奄列好滑口又有濃濃蛋香味，但又不至於只是空氣感。佢仲配有蜜糖同朱古力醬，可以隨自己喜好加入去食😋 不過本身疏乎厘都已經夠甜美，所以不用加太多醬也好好味！甜品可以加$20配飲品, 呢個揀咗橙汁, 幾refreshing😆。 ～ 宇治抹茶紅豆芝士蛋糕 $45 Uji Matcha & Red Bean Cheesecake 抹茶控的關係，見到有抹茶蛋糕又點會錯過，所以叫咗呢宇治抹茶紅豆芝士蛋糕。😋 宇治抹茶同紅豆嘅組合令我好期待。而佢嘅蛋糕質地細緻，抹茶同芝士味香濃，又混合得好好，唔苦又有少少微甜。而蛋糕濃郁嘅抹茶風味同香甜嘅紅豆好夾，口感軟綿綿又好幼滑，食到底有一舊紅豆蓉，而紅豆好入味好甜美又夠綿🫘估唔到呢個蛋糕意外地出色，好味！😋 最後加$20配左飲品熱烏龍茶。 估唔到Muji Cafe嘅甜品係咁好食😋，最意外係佢嘅梳乎厘奄列可以媲美出邊要排好耐隊先食到嘅梳乎厘奄列，依家唔使排隊就食到，仲要係好味嘅😋 Cafe&Meal MUJI 銅鑼灣波斯富街99號利舞臺廣場3樓 推介度：⭐️⭐️⭐️⭐️/5⭐️ #文青 #咖啡 #cafe #Muji#Cakeandmealmuji #cake #蛋糕 #梳乎厘奄列 #抹茶蛋糕 #熱門菜式 #銅鑼灣 #打卡 #chill #週末 #下次要再食