食物水準超出預期😍

三日假期話咁快就過去,真係好唔捨得!為咗要找緊假期嘅尾巴,今晚去咗旺角黑布街食一間幾chill既餐廳,當然我為咗我愛既茜🤭🤭餐廳選擇嘅酒類都幾多,但大家留意開我嘅post都知道,最近腸胃唔太舒服,所以揀咗最近愛上嘅茶菌類飲品調和下😉 🎈炸茜漢堡 聽到店員嘅介紹,加上之前已經留意過呢個包,完全唔使諗嘅情況下就揀咗佢,一上枱完全冇令我失望!滿滿嘅芫荽!仲要全部都係炸過,呢個食法我都係第一次試,炸過嘅芫荽味道有啲似炸紫菜,當然佢嘅尾段仍然係香香嘅芫荽味!芫荽控必試😍佢嘅漢堡扒都超級厚,而且中間仲係流心嘅添😍推介!⭐️ 🎈脆邊漢堡 呢個漢堡都幾令我驚訝,冇諗過佢會咁好食,漢堡扒加上芝士完全係絕配,再加埋蛋黃醬,簡直係控制不能咁食晒成個🤭🤭🤭 🎈蒜蓉炸薯條 薯條有得揀原味,蒜蓉味同鹹蛋黃味,我哋揀咗蒜蓉味,薯條炸得好香脆,即叫即做,而且蒜蓉都係好脆口,令我覺得有啲驚喜 🎈飲品 我哋揀咗桂花烏龍茶菌同埋荔枝玫瑰紅茶菌,桂花烏龍嗰個味道就會比較清香,而荔枝玫瑰嘅味道比較香濃,基本上兩款都好好,而且茶菌有助腸道健康,係現時比較Hit嘅飲品 餐廳都滿有特色,而且有唔少嘅手工啤,店員好細心,咁都有介紹過唔少嘅手工啤俾我哋認知,味道選擇好多,除咗會提及酒精濃度之外,仲會講吓唔同嘅手工啤嘅甜苦度,好比唔同需要嘅客人知道,而且仲有分本地釀製同外地進口嘅,見到都心思思好想飲,下次腸胃好返啲一定要去再試😍 🌸 TAP - The Ale Project #mongkok #mongkokbar #mongkokcraftbeer #mongkokbeer #craftbeer #HKbeer #HKcraftbeer #youngmaster #旺角好去處 #旺角酒吧 #旺角美食 #香港啤酒 #手工啤 #精釀啤酒 #香港手工啤 #香港精釀啤酒 #少爺啤#lifestyle #香港探店

地址
黑布街19號
香港旺角黑布街19號
評分
5/5
👍
👍
下一篇載入中