張公子 2024/03/14

典雅中菜館點心

有段時間無食中菜,心血來潮想去飲茶下,就入左間有提供點心既中菜館。 環境空間空礦,座位相當闊落,有典雅高貴既芬圍,特別係中間大圓鼎氣派十足,我地叫左幾個點心試下。 張公子招牌腸($50) 滑滑的腸粉皮包裹著網狀脆脆,再入面是素春卷,有菇粒、豆、西芹粒、馬蹄粒及紅蘿蔔粒等。豉油另上,可以因應各人的口味,自行添加豉油份量。 蟹子蒸燒賣(四件)($52) 經典飲菜既點心,水準之上,冬菇和豬肉味特出。 金網香芒鮮蝦卷(四件)($48) 一道創新菜式,卷內蝦肉份量相當飽滿,估唔到甜甜酸酸的芒果及芒果醬與蝦肉非常配搭,將有效鮮肉鮮味帶出,係不錯既開胃菜。 百花釀魚肚($50) 魚肚浸滿上湯,上面舖著一層蝦滑及少量蝦子,魚肚煙靭蝦滑有咬口。 鵝肝金荀咸水角(三件)($48) 可謂睇得又食得,外型特意整成甘荀,頗為有趣。咸水角外脆內軟糯,入面的餡料是鵝肝及冬菇等。鵝肝味道濃厚,鵝油香與冬菇融合,十分滋味。 流心奶皇包(三件)($40) 一撕開奶皇蓉流出,流心奶皇味道惹味濃郁,食到有少許咸蛋皇香味。

平均消費
HK$170
地址
張公子
駿業街58號電訊數碼大樓, 3樓 3/F, 電訊數碼大樓58 Tsun Yip St, Kwun Tong, 香港
評分
4/5
good
👍
下一篇載入中