好吃吃光 大角咀 超人氣平價台灣小店 呢間係大角咀既台灣魯肉小店，經常見人介紹佢地既蚵仔魯肉飯，今日6點黎到，啱啱開，已經有人喺門口等位，未到6:30已經滿座同有人龍。套餐$60-$70以下已有，好抵食。 🌟月見蚵仔魯肉飯 $65 最多人推介既一款，賣相真係幾吸引，表面鋪滿晒蚵仔同台式魯肉，中間仲有一個生蛋黃，今日既魯肉算係偏瘦，唔算好多肥瘦相間嘅肉。蚵仔份量好多，唔會有腥味。撈埋隻蛋會更滑 🌟起司肉鬆蛋餅 $35 蛋餅中間包左芝士、肉鬆同生菜，最後淋上蛋餅汁，餅皮微煙韌，幾鍾意嘅蛋餅配搭。 🌟蔥油乾伴麵配煎蛋 $52 係常見嘅台灣拌麵，比較闊身同有咬口，都幾香嘅，可能魯肉飯太好食，呢個就有啲普通。 🌟無冰芋泥鮮奶 +$26 套餐本身包一杯紅茶，都可以加錢轉其他特飲，呢杯芋泥控可以一試。 芋泥份量真係好多，大半杯都係，好綿密，但都飲到少少芋頭粒。因為無加冰，唔會飲到一半就變淡，味道唔過甜。 📍好吃吃光 @eatup.tkt 九龍博文街4號地下 #社群時間囊