午市任飲任食火鍋放題🍲

好耐冇嚟「牛站」@beefstationtst 打邊爐啦😋😋 原來佢地而家做緊午市4小時任飲任食放題，可以由中午12點食到下午4點！價錢最平都係由$168起，真係超抵❤️❤️ - 🐮SRF美國極黑和牛片套餐 $228/位✨ - 湯底揀咗新出的「枝竹羊腩煲鍋底🐑」，味道濃郁之餘又唔羶～裡面仲有好多羊腩同枝竹，夠哂足料！！ 肉類方面，可以任食SRF美國極黑和牛片、美國安格斯牛板腱、美國特級肩胛肉眼片、西班牙豬五花片、手切封門柳等～～ 當中至愛SRF美國極黑和牛🐮！肉質嫩滑juicy、重油脂香，仲要索哂湯汁超入味🤤🤤 - 另外自助區有多款火鍋配料、冷盤、小食、熟食、甜品、飲品可以任食任飲～～ 小食有醬爆糍粑、鹽酥雞、炸魚皮等，仲有好啱而家天氣食的糯米飯同蛇羹🐍！我同朋友都食咗幾碗🤩🤩 火鍋配料都有好多選擇，例如多款台灣直送的丸類、蔬菜、鴨血、豬血糕、水餃等～～ 飲品除咗一般汽水、冷泡茶外，仲有啤酒同梅酒可以任飲🍶！甜品就有多款雪糕、雪條、蛋糕、布甸等，今餐真係超滿足👍🏻👍🏻 - 🏠 牛站（駅）麻辣火鍋放題 地址: 旺角彌敦道593-601號創興廣場2樓 營業時間: 12:00 - 16:00；17:00 - 23:00 #全民打卡企劃