泰國人氣打卡cafe - After the rain

After the rain coffee & gallery 一直係我pocket list 嘅網紅打卡cafe😙 由酒店call bolt 去係 348泰銖(視乎返唔同車型價格會有所不同),我哋當日10點鐘左右出發,當日有啲塞車,我地大概11:20左右先去到🚕 Cafe範圍都幾大,一入門口就見到划船仔位,船仔位有3條通道,所以可以幾班人一齊影相📸左手邊位置可以望住河景,有卡位,亦有地墊位,由地墊位上去仲有個好靚嘅｢千秋｣位,一定要上去打卡啊😙右手邊就好似一啲屋仔位,都係坐地墊嘅,感謝都幾chill~ Cafe主要以輕食為主,主打甜品同飲品~🍰 店內有低消100泰銖,就可以免費划船仔,但如果你唔想係店內消費又想划船仔,都係要比100泰銖架😙 不過其實我都建議叫野食野飲,慢慢食吓嘢同坐吓,但要結左帳先可以划船仔架,留意返🚣‍♂️ 你可以選擇划出去轉一圈返嚟,大概10分鐘左右,都幾好玩架😙或者坐上去就咁打吓卡都得😆我就梗係兩樣都做齊啦🤪 至於食物同飲品方面,我哋叫左泰奶千層蛋糕､Honey toast､泰奶同埋黑糖蘋果茶,全部味道都唔錯👍🏻值得試吓架🩷 最後要提提大家,我去嗰日係星期六,去到大概12點幾1:00嘅時候就開始多人,所以如果想靜靜地食吓嘢飲吓嘢玩吓船仔,可以嘅話就早少少去啦😙 同埋 佢哋星期一休息架 佢哋星期一休息架 佢哋星期一休息架 唔好去摸門釘啊