台灣超舒適酒店推介!滿滿置身日本的感覺!

今次台灣旅行住咗一間非常之好嘅日式酒店-Hotel Gracery Taipei(格拉斯麗台北飯店),覺得好值得推薦給大家。Hotel Gracery 係黎自日本嘅酒店牌品,位於台北嘅酒店喺2021年9月先開幕,真係超級新正,住落非常之舒服。全間酒店都佈置得非常日式同精緻,房間都相當有和式感,品質好高,係好好嘅體驗!🎌🤩 Hotel Gracery Taipei 酒店位置超好,捷運「忠孝新生站」行2分鐘就到,而且旁邊不遠行5分鐘就係華山藝術文創園區,想去景點都非常方便!而酒店對面馬路就有7-11 同埋Lawson便利店,非常之便利,夜晚喺便利店shopping都可以。😆 Lobby 大堂喺3樓,裝修係日式商務風格,有好多木條子同和紙做裝飾,而且仲見到日本人喺櫃台服務服務,上到嚟真係以為去咗日本咁。😆 今次入住嘅係雙人房-Twin Room(兩床)。推開門果陣已經嘩咗聲🤩,全間房都係日式木條子同和紙嘅設計,門口有個小玄關,仲有個空間放鞋、行李、全身鏡等,有開放式衣架掛衫。玄關隔離係有獨立浴室嘅廁所、而浴室入面有個大浴缸,仲有浸浴粉可以沖涼時加到浴缸中浸浴,真係好正。😍個廁所係日本果種乾濕分離嘅廁所加埋個浴缸,好令人好懷念的日本酒店嘅浴室! 臥室區有兩張單人床並排,仲有床頭櫃,暖色木系書桌、地毯。最後仲有個梳化休息區,用咗黑色梳化去區分床同埋坐嘅地方。床墊夠厚硬度適中,瞓得好舒服!梳化可坐3個人,平時我哋嘅背囊手袋,買嘅野可以隨意放係度,好好! 成間酒店房質感很好,係我住過最舒服,最乾淨最好嘅酒店,加上設計感完全同日本一模一樣😆,打開電視又係播緊日本電視台真係有種置身於日本嘅感覺!😍 早兩個月book 一千蚊左右都唔洗就可住到一晚,以四星級以上嘅酒店黎講真係非常之抵!上唔同嘅酒店網格價可能仲會有平啲嘅優惠,下次去台北嘅朋友推介可以試住下呢一間!😍😆 格拉斯麗台北酒店 Hotel Gracery Taipei 📍臺北市中正區忠孝東路二段 捷運: 忠孝新生站 - 1號出口步行約2分 推介程度:❤️❤️❤️❤️❤️ #格拉斯麗台北酒店#人氣#Hotel#Hoteltaipei#HotelGraceryTaipei#台北酒店#捷運#舒適酒店#日本 #日本感 #台灣 #台北 #taipei #自由行 #必去 #好去處 #熱門菜式 #打卡 #攻略

地址
格拉斯麗台北飯店
100013台灣台北市中正區忠孝東路二段89號3樓
評分
5/5
H
G
下一篇載入中