9
0
晚餐食好D食平D@維港冰室
呢區嘅茶餐廳/冰室數目比美旺角,途經見到呢間門面明亮同大間,望下電子餐牌晚市套餐都幾岩食。 內裏裝飾比較”金碧”,出菜位上放滿式日式威士忌,多卡坐位,坐得幾舒服,地面都幾乾淨。 小菜套餐包埋湯及白飯,是日餐湯係紅蘿蔔煲豬骨,好有親切感。 另加$12就有特飲,分別叫咗柚子及青檸梳打,大大杯又夠氣感,爽呀。 飲完湯,最先上枱係去骨水門海南鷄 ($129/半隻) 去埋骨啖啖肉,鷄皮唔食可輕易撕走,鷄肉幾嫩滑,點埋特色鷄醬汁一齊食,唔錯。 蔬菜類穩打之選,海皇什菜煲 ($93),清清地有菜又有海鮮類。 有菜芯西蘭花,魷魚,厚切魚塊,蜆肉及蝦,加埋金菇粉絲大大煲,味道清甜。 平時少食魚,叫餸食飯蒸條魚都唔錯,茶餐廳多數都有豉汁蒸倉魚 ($99),同樣即叫即蒸。 滿滿芫荽下就係豆豉,成條倉魚二人分享都夠食。倉魚唔多細骨,魚肉點豉汁好好送飯呀,趁熱快D食先。 無限用餐時間,小菜味道同酒樓出品唔差好遠,但價錢相宜好多,難怪入坐率都唔低。 #ublog #foodblog #foodiehk#CWB #foodblog #foodiehk #ublog #CWB (此文章由U Blog 同步發佈至社群)
9
人已讚好!
下一篇載入中