鵜舞推出鹿兒島限定菜單😍😍

🌟餐廳:鵜舞 📍地址:荔枝角長義街9號D2 Place ONE 地下2號舖 💰價位:~$200 - $400 ⏰營業時間:星期一至日 12:00 - 15:00 / 18:00 - 23:00 📱電話:27438011 識我嘅朋友都知道我好鍾意食日式居酒屋,最近「鵜舞」居酒屋聯同鹿兒島縣農政部農政課,推出鹿兒島限定菜單,主打日本冬季極品美味鰤魚、肉質鮮嫩既鹿兒島茶美豚及日本首屈一指既鹿兒島和牛,事不宜遲即刻同朋友仔去大吃一餐先! ——————————————————— 🔹 鹿兒島油甘魚刺身 鹿兒島油甘魚含豐富油脂,肉質鮮嫩,入口口感豐潤,鮮味十足! ——————————————————— 🔹 鹿兒島鯛王壽司 來自鹿兒島嘅鯛魚,肉質色澤粉嫩,口感結實而爽彈,入口鮮味香濃! ——————————————————— 🔹 茶美豚金桔沙律 沙律菜新鮮爽脆,上層鋪滿份量十足嘅鹿兒島茶美豚,層次感十足!茶美豚嘅肉味濃郁,鮮嫩多汁,脂肪分布均勻,係日本知名豚肉品種之一,沙律更加入新鮮金桔,果香味令豚肉味更突出,值得一試! ——————————————————— 🔹 鹿兒島產甜薯 及 鹿兒島產障泥烏賊天婦羅 「鵜舞」 招牌菜式之一,就係由日本師傅主理嘅天婦羅! 首先試咗鹿兒島產甜薯天婦羅,甜薯入口香脆,口感帶點粉糯,香甜美味,加少少鹽嚟食,更能提升鮮甜味! 另一款鹿兒島產障泥烏賊天婦羅,質地非常滑嫩,口感帶點煙靭,夠晒鮮味! ——————————————————— 🔹 味噌茶美豚五花腩脆米紫菜卷 賣相精緻,擺盤相當優美嘅菜式! 下層有脆米通及紫菜,再加入以味噌醃製嘅茶美豚五花腩,油脂香氣十足,啖啖肉夠晒豐富,層次感十足,必試! ——————————————————— 🔹 燒鹿兒島半生熟和牛肋眼 呢款鹿兒島和牛牛肋眼,肉質粉嫩多汁,牛脂感滿溢!餐廳提供三款醬料,包括檸檬、日式燒汁及柚子芥末,特別推介柚子芥末,更能提升和牛牛肉濃郁嘅味道! ——————————————————— 🔹 茶美豚肉鍋 最後當然要嘆埋呢一款熱辣辣香噴噴嘅茶美豚肉鍋,咁至夠滿足!鍋底加入日式大蔥、金菇、本菇、滑豆腐及娃娃菜等配料,湯頭夠晒清甜,主角嘅茶美豚肉份量十足,肉質嫩滑多汁,值得一試! ——————————————————— 🔹水信玄餅 最後當然要試埋日式水信玄餅作結!呢度嘅水信玄餅,大大件晶瑩剔透,入口口感清涼,加入甜蜜蜜嘅黑糖及黃豆粉,食得更滿足! ——————————————————— 😋味道:4/5 🏢環境:4/5 💁🏻‍♀️服務:4/5 💵價錢:4/5 🤟🏻性價比:4/5 ——————————————————— 👅整體小總結 餐廳以當季時令食材,推出限定嘅鹿兒島美食,充分體現鹿兒島美食既魅力!環境方面,餐廳裝修走日系居酒屋風及環境充滿濃厚日本漁村風味,用餐氛圍一流! #祝大家生日快樂#UCreator#打卡美食#好去處

地址
D2 Place ONE
香港荔枝角長義街9號
評分
5/5
Good
good
下一篇載入中