人氣本土麵包店Hashtag B🍞🥯拿破崙焦糖千層撻🌟

最近人氣本土麵包店Hashtag B🍞🥯熱爆各社交平台🔥 當中既最多人熱棒既🌟拿破崙焦糖千層撻🌟大家試咗未😆😆 今日專登係出爐時間前到銅鑼灣分店，終於比我買到啦🎉 仲順手買埋特色麵包，買多幾款返去同屋企人開心share😚 🌟拿破崙焦糖千層撻🌟 星型撻皮夠哂特別，拿破崙皮食落極酥脆， 內餡係香滑蛋撻配自家製焦糖醬， 焗製時間同溫度控制得好好，金黃焦香且層次分明～ 就算凍食，撻皮仍然保有鬆脆質感， 內餡就好似食緊布甸咁，絕對係心機作！ 各分店每日新鮮熱辣出爐，記得留意出爐時間啦～ （銅鑼灣店: 9:30am） 🔹檸檬茶菠蘿包🍋 菠蘿包無菠蘿，咁檸檬茶呢? Hashtag B特別加入自家調配紅茶，混以100%日本麵粉焗製， 食落有清新檸檬茶香，配以鬆軟菠蘿包，好得意既組合～ 🔹奶茶墨西哥包🧋 金黃色半球形既墨西哥包加入奶茶，味道出奇地夾！ 香甜味道四溢，鍾意飲奶茶既一定唔可以錯過～ 🔹蘋果金寶🍎 味道甜甜酸酸特別開胃～ 外皮焗至金黃酥脆，加入香軟甜甜蘋果肉， 帶甜又有酸，一啲滯膩感都無，做下午茶一流！ Hashtag B ✨ 📍尖沙咀加拿芬道49號夏蕙樓地下C號舖 📍銅鑼灣利園山道73號寶榮大廈地下F號舖 📍鰂魚涌華蘭路25號太古坊栢克大廈地舖 #蛋糕#撻#窩夫#Dessert