朝啡晚酒！型格貓cafe😻😻

近幾年貓cafe大行其道，眼見市面有愈來愈多新開嘅貓cafe，我又點可以唔試下新嘢呢！ 日前就同屋企人去咗旺角一間樓上貓Cafe & Bar， 呢度嘅獨特之處，就係佢唔似大部分嘅貓cafe般走文青路線，而是以型格酒吧🍹風格突圍而出。 店鋪由門口至店內，均採用不少木系家品，帶出舒適嘅感覺； 同時亦以紅磚牆營造出英倫格調，又以釀酒桶🍷為枱，甚有異國風情。 而店內的一幅主題牆，更放置九個釀酒桶，當中六個也是中空，成為了貓貓休息嘅地方，很是有趣， 到訪當日所見，店內大概有十幾隻貓貓，有趣嘅係，每個品種嘅貓都係成雙成對的。 例如當你見到一隻布偶貓😻，好快就會發現到有另一隻布偶貓，又或許不只兩隻，只係喺入面休息緊。 我哋張枱附近嘅窗台坐着一隻毛色很特別嘅加菲貓，性枱頗溫和，同佢玩一陣就索性落嚟畀你摸。 🍝卡邦尼意粉（$118） 意粉彈牙有咬口，份量適中，賣相吸引，美中不足之處係有少少乾。 🍟明太子薯條（$88） 薯條係幼身薯條，新鮮出爐，炸得十分香脆。 而另上嘅明太子醬更是畫龍點晴，鮮味與鹹香濃郁，將整道菜式大大小昇華，令人難以忘懷。 柚子蜜糖雞翼（$88） 蜜糖和柚子鋪在雞翼上，在日光的映照下閃閃生輝，賣相誘人。 而兩者嘅酸甜味亦令雞翼嘅味道更有層次感，值得一試！ 🫖三花茶（Berries & Hibiscus）（$60） 花果香好重嘅一款茶，飲落好清新舒服。 斟茶時加菲貓已經眼定定望住，之後仲企起身想飲我哋杯茶，哈哈！ 店員都即刻抱走咗佢，殊不知佢之後又跳上來！笑死我哋～ 佢亦都有飲放喺枱面、本來係斟畀我哋上嘅水，店員都話啲貓貓鍾意咁做，咁就由佢啦～ 🥃凍黑芝麻Latte（$50） 黑芝麻味道香濃醇厚，鍾意黑芝麻嘅朋友一定唔可以錯過。 😺Meowtini 地址：旺角砵蘭街215號朗晴坊7樓 營業時間：星期一至日 12:00 - 23:00 . #food#foodie#instafood#hkfood#foodporn#foodblog#hkfoodblog#instafoodie#hkfoodlover#foodphotography#foodstagram#foodaddict#fooddiscovery#hkfoodpic#foodagram#foodiary#foodblogfeed#foodideas#cafehopping#cafehk#cafe#catcafe#相機食先#香港打卡#食好西#貓貓#香港美食#旺角美食#旺角#貓cafe