佐敦新開居酒屋食精美和食

去完廟街夜市感受夜繽紛氣氛,喺附近搵地方醫飽埋個肚。經過呢間新開嘅居酒屋,有壽司、刺身、串燒等嘢食,望落都唔錯。 特選壽司盛-霜 $198 呢款特選壽司盛有8款唔同嘅壽司,包括赤身、油甘魚、三文魚、紋甲魷魚、左口魚邊、甜蝦、穴子同海膽。 魚生新鮮,赤身肉嫩鮮甜,海膽幼滑甘香,油甘魚口感爽嫩,左口魚邊火炙過油香四溢。 蒜蓉牛油露荀炒帶子 $108 大大隻鮮嫩帶子加埋爽脆露荀用蒜蓉同牛油炒香,一上枱已經聞到超香濃嘅牛油味,勁邪惡。 -明太子玉子燒 $48: 嫩滑玉子燒加上鹹香明太子醬,大推 串燒 另外叫咗幾款串燒,整體黎講調味適中,唔會太鹹遮蓋咗食材本身嘅味道。 -黑豚青蔥卷 $28: 黑豚肉卷住長長嘅青蔥,蔥香味十足 -黑豚腩串 $33: 黑豚腩肥瘦適中,肉質一d都唔嚡 -牛肉秋葵卷 $33: 腍嫩牛肉卷住爽口秋葵,唔錯嘅配搭 -厚燒仙苔牛舌 $48: 牛舌厚厚一片,口感爽彈 -山葵雞肉串 $28: wasabi好惹味,雞肉嫩滑 -日式原條燒茄子 $58: 茄子水嫩多汁,仲可以加少少薑蓉一齊食做點綴 -焦糖菠蘿 $53: 酸甜嘅菠蘿面頭淋咗一層香甜焦糖,在飯後甜品就啱晒 。 。 霜月居酒屋 (佐敦) 佐敦白加士街127號地舖 。 。 #霜月居酒屋 (此文章由U Blog 同步發佈至社群)

地址
霜月居酒屋
香港油麻地白加士街127號
評分
5/5
looks good 👍 not expensive 🫰
好新鮮
下一篇載入中