靚景🌇美食😋chill級bar

朋友係九龍灣地膽，佢話每個星期定必會去呢間餐廳，貪佢夠chill夠relax🤠，同班friend傾下食下飲下，心情輕鬆元氣返哂嚟咁話🥰 講到咁好…當然立刻相約朋友到此共聚，室外露天座位真係好chill，而室內超高樓底加埋落地大玻璃，開揚闊落，坐下感覺非常舒適💕 呢間餐廳既然叫得Bar & Grill，當然有好多不同款式嘅酒類以及烤肉，同時亦都有餸酒小食及dinner set 4個course嘅dinner set👇 🥣南瓜湯 非常creamy，南瓜味香濃，甜香幼滑 🥩香燒羊架配乳酪薄荷汁$268 燒得非常靚仔🤩，外面微微焦燶，炭香味濃，使得羊脂逼出，油香四瀉，但仍然保持肉嫩juicy；醬汁以乳酪做基底，酸酸地亦有奶香，加埋清新舒爽嘅薄荷香草，幼滑清新，不單止唔膩，仲好開胃添😋 🍰芝士蛋糕 芝士味濃厚，口感超綿密細緻，甜度剛好，配埋藍莓醬一齊食更添清香甜蜜，幸福感返哂嚟😘 ☕️熱檸茶 飲完個熱檸茶，由於餐廳氣氛好好，意猶未盡，決定叫第二round再慢慢嘆🤠 🍽大满貫拼盤 (任何2款芝士、2款火腿及自家制雜肝醬配多土) $248 呢個拼盤好有驚喜🤩，份量多之餘個雜肝醬仲好好味，原來係自家製，質地滑溜而甘香，配合法包及麵包條一齊食一流；莎樂美腸油脂甘香，質地煙韌，非常好味；風乾火腿鹹香有口感；兩款芝士餸酒一流👍 🥟脆炸意大利雲吞(牛肝菌/菠菜雞肉/蕃茄辣肉腸) $88 口味有三款可以選擇，我哋揀咗人氣牛肝菌餡，因為呢款小食係即包即炸，所以非常新鮮熱辣香脆，牛肝菌餡料味道香濃，juicy一口爆汁，但係完全唔覺油膩，餸酒一流，必食之選👍 🍾咁chill嘅餐廳當然有歡樂時光，星期一至五17:00-20:00，星期六全日，同時亦有180分鐘free flow 🍷House Red wine $55 產於法國嘅House Red， 聞落有果香，清爽口感，微乾，酸度平衡，好適合配芝士及煎炸烤物😋 見到隔離枱個香脆豬手非常之正，另外仲有promotion menu啲小食都好想食，但係已經好飽，唯有留待下次💫 餐廳坐得舒服，食物質素高，而且侍應服務態度仲好好添🥰 📍Chill Café Bar & Grill 九龍灣宏照道33號國際交易中心2樓平台花園 #西餐 #芝士蛋糕 #燒羊架 #落地大玻璃 #意大利雲吞 #九龍灣美食 #無敵靚景 #國際交易中心 #chill cafe bar and grill (此文章由U Blog 同步發佈至社群)