食物多元化高質放題🍱

收到消費券梗係要食餐好😋😋 今次黎到尖沙咀呢間日式放題店 @daikiya_tono ～上次食過已覺得好滿意！！ 食物選擇多，質素都唔錯！就算平日夜晚黎到都好full，果然好受歡迎👍🏻👍🏻 - 🍱120分鐘晚市放題 $328/位✨ - 📍刺身 賣相吸引！包括有三文魚、油甘魚、劍魚腩、拖羅、北海道帶子、海赤蝦、松葉蟹腳等～～ 我就最鍾意三文魚刺身，肉質鮮嫩肥美！好重魚油香～超正🤤🤤 📍壽司 包括有香芒龍蝦膏甜蝦壽司、海膽拖羅蓉魚子塔、三文魚花之戀、鵝肝帶子等～好多選擇！！ 全部賣相精緻，味道都唔錯！每款試少少都好飽🤣🤣 📍和牛薄燒 和牛入口即溶，啖啖油脂香🔥🔥 面頭的炸蒜片可以增加口感～蘸壽喜燒汁食一流👍🏻👍🏻 📍岩鹽燒大頭蝦 大頭蝦即叫即燒，口感好爽彈🦐🦐 裡面仲有唔少蝦膏，夠哂惹味！要叫多幾串食先得～～ 📍燒牛舌 牛舌好厚身，肉質軟腍爽口😋😋 外層燒得微脆，簡單用鹽、黑椒調味已好好食！！ 📍蒜蓉粉絲蒸扇貝 扇貝肉質飽滿，每啖充滿蒜蓉香！！ 而粉絲索哂扇貝同蒜蓉的精華，好入味！送飯一流❤️❤️ 📍清酒煮鮮蜆 蜆肉脹卜卜，厚肉鮮甜～～ 清酒煮熱後味道更香，更帶出蜆的鮮味🤩🤩 📍避風塘炒蟹 蟹肉份量好多，炒得有鑊氣🔥🔥 食落辣辣地好開胃，仲有好多炸蒜粒～整體唔錯！！ - 另外自助區仲有多款熟食、小食、甜品、雪糕、飲品、清酒等可以任食任飲～～ 雪糕有Haagen Dazs同Milk Top等選擇🍨，食多幾杯就已經回本！超抵😆😆 - 🏠 殿 大喜屋 地址：尖沙咀金巴利道26號1樓 營業時間：12:00 - 15:00；17:00 - 22:30 #生活足跡#放鬆下先