怡豐花園 2024/05/04

性價比高元朗特色泰菜小店

星期五晚八點,鋪入面有三台人,外賣亦都有幾袋擺度等車手攞,即刻對食物有啲信心,入內一試。 雖然間舖咁細,但係食物種類繁多,花多眼亂。晏晝嘅餐48蚊至63蚊,唔鍾意飲嘢,飲水又得,鍾意飲嘢嘅加四蚊或者加六蚊飲飲品都得。最好嘅係晏晝餐星期一至日都有。你知好多餐廳都係星期六日冇餐㗎啦,所以一大優勢呀即刻加分。 今晚叫咗一個椰汁雞菇湯粉,啲雞又滑又多絕無欺場,椰汁湯好香。 另外叫咗冬陰功花甲湯金邊粉,冬陰功湯入面固然有冬陰功料譬如蕃茄及紫洋蔥,花甲好多食極都有冬陰功湯底偏向椰汁味,重唔太辣,好食。 亦都叫咗一碟半打串燒雞豬牛角兩串,自由選擇。過汁幾特別同其他舖唔同,雞同豬幾好牛嘅肉質就差咗啲。 烤茄子係金不換醬汁幾特別,落得嚟幾好食。 玫瑰花奶茶,多冰夠曬凍,清清地冇咁濃。 仲有餐廳開到凌晨一點放工夜咗去街玩晏咗都唔驚冇嘢食。#泰國

平均消費
HK$248
地址
怡豐花園
香港元朗馬田路38號怡豐花園
評分
4/5
想去❤️
超鍾意你嘅分享💝👍🏻👍🏻😍
下一篇載入中