人氣馬拉菜大圍分店 必食招牌菜喇沙肉骨茶

深水埗起家嘅捌哥原來喺大圍都有分店，同總店一樣好有人氣 星期三晚七點半未到已經坐滿 餐牌選擇超多有啲花多眼亂，招牌菜喇沙同肉骨茶係必嗌 ✨肉骨茶 (三層肉) 肉骨茶比較深色藥材味突出，飲完成身暖晒 可以免費續湯，兩個人嗌一份細嘅都夠飲 有多款豬肉部位選擇，懶得噒骨所以揀咗三層肉 ✨娘惹喇沙 湯麵有三款喇沙、蝦麵同白咖喱麵揀，好pro好講究👍🏻 娘惹喇沙加入大量椰奶，香料味道香濃辣度適中 麵有得揀米粉、油麵、老鼠粉、米線，就連大光麵都有😆 跟地道食法揀滲滲(油麵米粉兩溝)，油麵米粉索晒湯汁精華 ✨馬拉沙嗲串燒 雞、牛、豬肉可以自由配搭，三款都燒得香口唔會鞋 沙嗲醬微辣偏甜花生味濃郁，非常惹味！ ✨仁噹牛肉辣死加多 (轉黃薑飯) 辣死nasi意思係飯，同辣唔辣係無關😆 不過配仁噹牛肉同參巴醬的確係辣嘅 仁噹牛肉香料椰漿辣味濃郁，煮得軟腍入味 ✨咖央多士 食馬拉菜一定嗌咖央多士當做甜品先夠滿足 估唔到連麵包都係來自馬來西亞 多士烘得鬆脆，咖央醬斑蘭味濃郁椰香十足🤤 ✨美祿恐龍 食辣嘢飲好啱飲美祿，有種解辣嘅感覺 聽到隔離枱都飲馬拉茶，下次晏畫嚟試下 #大圍美食#肉骨茶#喇沙#咖央多#laksa#kayatoast