流水蝦任食♡多嘢食到嚇親嘅泰國火鍋放題♡120分鐘任飲任食

🇹🇭泰國火鍋120分鐘放題加流水蝦任食，淨係呢個賣點已經夠殺食！ 有三個餐俾你揀，由70品至90品放題，晚市價錢由$208起（小童$128起） 有8款泰式湯底俾你揀，自助區火鍋配料多達60款！多嘢食到根本試唔晒😂 當日我哋去到食客比較多，流水蝦隔半個鐘左右就會加一次，小朋友可以體驗捉活蝦都玩得好開心🫶🏻 最重要嘅係真係好新鮮，加埋泰式湯底，食落去啲蝦又彈牙又甜，我一個人食咗十幾隻😂 每晚19:30-20:00、20:30-21:00兩個時段會有泰國秘製撈麵檔開檔，有個泰國靚姐喺度煮麵，見到佢倒咗好多泰國香料落去撈，絕對唔係就咁開包泰國麵撈嗰調味包咁敷衍😂😂佢開檔嗰陣聞到好香，就算飽都忍唔住食咗一碗🤤 熟食區有4款主食，泰式炒飯、炒金邊粉、泰式咖喱都有，泰式海南雞勁滑，不過上一轉好似係炸雞😂款式會轉～～ 仲有佢個冬陰功湯好好飲！另外仲有泰式沙律同埋水果🤭 呢度嘅自助調味料吧都超誇張，勁多泰國醬汁選擇，其實係多到唔知攞邊樣好😂（選擇困難症無誤🤯） 飲品區有三款泰式特飲，仲有多到數唔到嘅罐裝同紙包飲品，連啤酒都有🫣 甜品除咗有雪糕放題，都有好多泰國甜品，斑蘭千層糕同椰汁西米糕每30分鐘refill一次～ 仲可以自製珍多冰🤤 ———.+:｡(〃ω〃)ﾟ.+:｡ ｷｬｧ♪ ❁B餐-澳洲產極選肩押牛小排（80品放題）$268 牛小排好軟嫩，油花平均，我覺得係唔錯嘅選擇👍🏻 仲可以order羊肩肉、牛舌、牛胸爽，呢幾款打邊爐嘅肉類我都覺得相當唔錯👍🏻 🍲湯底：青檸椰奶雞湯鍋、藥膳豬骨白湯鍋 ✰我哋揀咗一人一鍋，兩款湯底，我嘅椰奶雞湯就咁飲都好清甜🤤 原來泰式湯底打邊爐好好食！ 📱用手機落order嘅，除咗係火鍋肉類之外，仲有泰國小食，例如有炸蝦餅、大蝦米網卷、炸雞寶、榴槤炸彈😳等等，沙嗲串燒可以揀豬或雞肉，意外地平時放題嘅食物質素可能會有啲參差，但係呢度樣樣都唔錯😆 而且上菜速度勁快💨 好耐未試過食任食火鍋放題食得咁暢快🤭 呢間真係會再encore！下次我要食M6和牛餐！（都係$298咋🤣） *門口有泰國風情打卡位俾你著泰服打卡📸 ♡Follow Me on Instagram : @lovelykawaii_missmeow https://instagram.com/lovelykawaii_missmeow 🦐泰金鍋 📍旺角彌敦道601號創興廣場6樓 #蕃薯妹周圍食 #hongkong#香港美食#自助餐#香港美食探店#香氣四溢#放題 #foodies#foodiesblogger#foodieshk#foodblogger#hkfoodieblogger#openrice#hongkongfood#hkfood#ufoodphoto#ufoodvideo #泰金鍋#泰國火鍋#流水蝦#放題#hotpot#hotpothk#火鍋晚市#打邊爐#火鍋#旺角#旺角美食#旺角好去處#香港火鍋#自助餐#九龍美食