👑 韓式人氣cafe ，窩夫🧇好好食

〰️早兩日同屋企人去咗屯市行街食飯，最近唔知點解成日想食韓國嘢，今次又揀咗 呢間韓國過江龍餐廳，以韓國好出名嘅柑橘作為主題 😋食咗好多韓國美食🤤 〰️ 餐廳以木系風格為主，除了有很多柑橘的裝飾，每個staff戴住頂柑橘🍊帽，真的很可愛😊😊 🍽 🔹韓國蜆肉紫蘇飯 用大大個藤籃托盤裝住好特別，個飯平舖喺隻大碟上面😳撒咗好多芝麻同紫蘇食落好香口。飯粒粒粒明顯，炒得好靚，泡菜飯味道唔算好辣，但好惹味，味道好均勻。 🔹炭燒雞肉飯卷 飯卷係韓國菜嘅經典，份量幾大，餡料好足。雞肉嫩滑有炭燒香味，加上芝麻更香。 ➰ 🔹士多啤梨窩夫 好多士多啤梨，酸酸甜甜幾新鮮。忌廉幼滑，唔會太甜。窩夫好香蛋味，外脆內鬆軟。 🔹濟州柑橘乳酪 原隻柑橘皮插喺飲管上面😳賣相好得意。乳酪輕盈滑溜，柑橘酸甜好香好清新。 🔹熱飄浮棉花糖朱古力咖啡 真係大大粒棉花糖飄浮喺咖啡中，咖啡味香濃。黑朱古力味濃厚回甘，熱飲暖笠笠。 ➰ 🔍 題外話 GU同DONKI都係同一層，食完好嘢，仲可以瘋狂去shopping💙💙 📌 Terrace in seaside (屯門) 📍 屯門屯順街1號屯門市廣場1期UG樓UGK9號舖