澳門深度遊-路環黑沙龍爪角海岸徑✨睇夕陽影靚相享受落日餘暉🌄

今年去咗幾次澳門，但一直都未有機會去路環👀今次就黎個「澳門深度遊」🤪 PLAN咗去路環既黑沙龍爪角海岸徑🌟輕鬆行吓海岸徑，順便睇夕陽影靚相📸再喺附近搵間餐廳食晚餐🍴輕輕鬆鬆過一日✌🏻 今次揀既黑沙龍爪角海岸徑，係澳門新八景之一，路線難度屬最簡單一星，親子合家歡一流👍🏻喺澳門本島/氹仔搭巴士：26A、15、21A🚌就可以直接去到，交通都幾方便架😬 我地喺氹仔搭26A，去到「海蘭花園」落車，再沿黑沙水上活動中心、黑沙龍爪角海濱路行入去🚶🏻‍♀️就會見到大大個黑沙龍爪角海岸徑既牌，沿路吹住海風真係好舒服🌬️之後就可以開始親親大自然之旅🌴 沿途奇岩異石呈金黃色，又有黃金海岸既美譽😻行到「龍爪石」位置，隱約見到龍爪、龍頭、龍身等形狀既紋理，外形奇特，好得意👏🏻 漫步期間，放眼欣賞開闊海景、優美山嶺景色🏞️遠離繁華鬧市，好好感受澳門既另一面，享受清風、海浪，感覺閒暇逸致，令人心曠神怡🌊☀️ 呢度除咗可以欣賞澳門海岸線，仲係睇日出日落既絕佳位置🌄望住夕陽，大大個鹹蛋黃緩緩下沉，同身邊人享受落日餘暉，真係不亦樂乎也🥰😘 跟住我地再沿路行返出去「海蘭花園」站，搭出市區既車到「路環街市」站🚌經過好出名既安德魯餅店🥧旁邊就係我地今日既目標 🍜路環碼頭麵館🍜 招牌魚翅湯麵超多人推薦🥢我地仲叫咗鮑魚花膠撈麵同上湯雲吞，埋單MOP 223就食到魚翅、鮑魚、花膠同雲吞，真係超抵食😝 1️⃣鎮店名物既招牌魚翅湯麵✨魚翅份量十足，嫩滑無腥味🤩MOP 88就食到咁足料既魚翅，仲有鮮香濃郁既湯頭‼️ 2️⃣鮑魚花膠撈麵，花膠軟腍入味仲好厚身、鮑魚鮮味細嫩、撈麵醬汁香濃惹味，養顏又滋味，岩哂女士們🤭 3️⃣上湯雲吞，熱騰騰雲吞湯底鮮甜，大大粒夠哂飽滿，內餡爽口甘香👍🏻 整體三款都好高質，大家黎路環有機會一定要試吓😋 路環碼頭麵館🥢 地址：路環市區船人街116-120號地下A及B號鋪 跟住我地再買個安德魯餅店嘅葡撻即場食，外皮鬆脆、滿滿蛋香，牛油味濃，今日真係大滿足啊🥳🥳 安德魯餅店 地址：路環市區戴紳禮街1號地下 最後搭返26A、15、21A巴士出市區🚌就完成既簡單又輕鬆既路環行程啦🤟🏻 今日好好享受海風吹拂🌬️望住海鳥翱翔，仲有絕美海邊景色配夕陽🌄以及金黃色奇岩異石🪨黑沙龍爪角海岸徑✨真係好適合親子、好友或情侶同遊，齊齊感受澳門既另一面，享受大自然美好，幸福既享受❤️ #感受澳門樂無限 #澳門新八景 #夕陽