超好食、但性價比非常不高的極濃雞白湯拉麵🍜🙈

今次同朋友星期六去咗中環行街，同佢一齊食晏，佢話想食拉麵，所以我就喺OpenRice度搵咗呢間拉麵店去試。而入到去都就算係lunch hour都仲有幾張空枱，可見佢嘅價錢係比其他餐廳偏貴🥸🥸🤑 今次我哋試咗佢店家推介嘅極濃雞白湯拉麵🍜 $138 未包加一服務費 因為佢嘅鋪面細，我見我哋一落單廚師就即整😯😄但係唔洗等好耐就有得食😄 一上咗菜就見廚師都有用心擺盤，碗邊貼住三片薄薄嘅雞肉同炸咗嘅菇條，我覺得嗰啲菇條浸咗落個湯度出奇地好食，而且菇味濃郁，食落亦都爽爽地😆😆 而佢嘅拉麵麵質煙靭，而湯底更加係呢碗拉麵嘅靈魂🤤🤤🤤🤤飲落好似係日式版嘅忌廉雞湯👍🏻👍🏻👍🏻👍🏻非常棉滑，亦都唔會過於濃/杰撻撻😽😽😽 如果大家係拉麵控，真係值得去呢間小店試一試👍🏻👍🏻👍🏻👍🏻 #我想收聖誕禮物