餐廳主打多款西式美食，亦提供輕食、小食及甜品🍮

🌟餐廳: Piano Piano Cafe 📍地址：沙田石門安群街3號京瑞廣場1期2樓207號舖 💰價位： $50- $100 ⏰營業時間：星期一至日 11:00 - 21:00 📱電話：56998784 今個Weekend留係屋企努力執屋做吓野～黎到晚飯時間，一於就搵埋朋友仔去石門呢間「Piano Piano Cafe」歎返個chill dinner 先！ 餐廳主打多款西式美食，亦提供輕食、小食及甜品，岩哂同朋友仔慢慢chill，我哋就揀咗超值二人晚市套餐～ ——————————————————— 🔹 煙三文魚藜麥沙律 上層鋪滿滿嘅藜麥，份量豐富～沙律菜新鮮爽脆，口感清新，加入鮮味十足嘅煙三文魚及特調沙律醋，健康又開胃！ ——————————————————— 🔹 芝士蘑菇雞翼 呢款芝士蘑菇雞翼，熱辣辣香噴噴～香脆可口嘅雞翼，入邊釀入芝士蘑菇，夠晒邪惡而且好惹味！！ ——————————————————— 🔹 意式卡邦尼意粉 卡邦尼汁材料豐富，有齊煙肉、洋蔥、蛋黃及芝士，口感香濃，醬汁咸香味十足～意粉食落有口感，夠彈牙，食得好滿足！ ——————————————————— 🔹 朱古力香蕉厚鬆餅 甜品即叫即製，有驚喜！大推呢款朱古力香蕉厚鬆餅！厚鬆餅厚身而且又夠Q彈鬆軟，內層食落綿滑，配料加入新鮮香蕉及濃濃朱古力醬，配搭夠香甜，而且層次感十足！ ——————————————————— 🔹 桂花蕎麥茶 / Iced Cappuccino 套餐仲包兩杯飲品，性價比十足～朋友仔呢杯Iced Cappuccino ，咖啡味香濃上層嘅奶泡又夠滑順，值得一試～另外熱飲嘅桂花蕎麥茶暖胃又夠養生，幫助消化～ ——————————————————— 🔹 小食拼盤 除咗套餐之外，意猶未盡嘅我哋叫多款小食拼盤，咁至夠盡興！小食拼盤有齊炸薯條、炸雞軟骨、單骨雞翼、炸薯餅及香烤香腸，包羅萬有好抵食～我就最鍾意單骨雞翼及炸雞軟骨，熱辣辣食落香脆惹味～ ——————————————————— 😋味道：4/5 🏢環境：4/5 💁🏻‍♀️服務：4/5 💵價錢：4/5 🤟🏻性價比：4/5 ——————————————————— 👅整體小總結 餐廳由年輕人主理，各款食物即叫即制，保證新鮮熱辣辣～食物方面，款式選擇眾多，更提供午市及晚市套餐，價錢親民，深受附近街坊歡迎，值得嚟試下～