同蠟筆小新一齊食下午茶😎

由細到大都有睇蠟筆小新，好鐘意小新嗰種佻皮嘅性格又超搞笑🤣知道愉景灣酒店有蠟筆小新主題嘅下午茶之後，就即刻book嚟試試🤩原來愉景灣酒店交通都幾方便，由欣澳站搭DB03P巴士，10-15分鐘已經直到酒店門口🥳 食之前喺酒店週圍行下，有蠟筆小新popup store，周圍又有唔同嘅小新同佢班朋友嘅裝飾，影咗幾張相之後就去餐廳食tea✨一上菜嘩咗聲，平時high tea都未必夠飽，但呢個tea set有一大盤，有鹹有甜，仲有小新造型嘅餐具送，枱面都係用小新的餐紙、碟同杯💕蠟筆小新迷或者一家大細過嚟食一定好開心💫 我飲品點咗蜜桃飲品，飲落好清爽，仲有真嘅蜜桃肉🍑鹹點有啲都好少見，例如西班牙蔬菜特飲🥒係俾你食到中間清一清味蕾，再食其他嘢。炸蝦球好香脆惹味，反而脆炸牛肉粉漿有啲厚。我最鐘意嘅鹹點係焗松露大蒜撻，撻入面好似蛋撻咁，有少少蒜味松露味，幾香口幾好味。整體嚟講鹹點我覺得如果食物熱啲會再好食啲🔥 甜點多款式，我最鍾意日式綠茶柚子卷，綠茶味配合中間嘅柚子味cream，好fresh又可以平衡到甜味🍰芒果夾心雲呢拿慕絲係雪條造型，出面脆皮+入面mousse口感豐富，仲有爆谷焦糖布甸脆脆嘅爆谷配合布甸我都鍾意食🍮 食完之後仲可以出返去愉景灣週圍行下，都有好多嘢睇大家快啲一齊去book嚟食🌸 📍Cafe bord de Mer & Lounge 香港愉景灣酒店 香港大嶼山愉景灣 海澄湖畔路88號 #cakeoftheday#我想試食蛋糕#2023必玩必食#一齊飛