話說8月有一個good news就係Second Draft重開了🤩！其實之前係大坑幫襯過好多次都想介紹俾大家，但今年結業咗一排～不過依家係銅鑼灣重開了🎉，更就腳！雖然新店比舊店細咗，冇咁有空間感，但都保留咗之前嘅裝修同設計，一樣咁有親切感😌！ ⠀⁣ 𝐈𝐧 𝐦𝐲 𝐭𝐮𝐦𝐦𝐲😋⠀⁣ 1. 大坑薯條($88) ❤️ 必點名物點少得佢🍟！薯條炸得香口，加孜然、高菜同乾辣椒，成件事更惹味，再點埋佢個醬係perfect呀😍！ 2. 封門柳 ($298) ⁣❤️ 話說有啲餐廳你會怕咗叫牛食，因為又貴又韌🥲但依度可以放心叫封門柳呀，係數一數二好食！佢係medium rare，肉質好嫩之餘配埋佢個黑椒油同醃洋蔥係好正🤤～ 但我覺得份量比之前少咗🥹，同埋如果轉返醃椰菜做配菜會更加分！ 3. 素雞三文治 ($118) ⁣ 嗌完啲鐵膽就諗住試吓其他嘢，點知失望了☹️。麵包好乾，食落有陣燶味，佢裏面有焦糖洋蔥、素雞、紅菜頭同小辣蕃茄醬都畀個麵包啲燶苦味蓋過咗😕 sad 下次都係食返腐乳卡邦尼算了🥲 4. Classic - Young Master Brewery & Brew Birds - Laksa Wheat Ale ($76 & $82) ❤️ 嚟Second draft又點可以唔飲啤酒，有多種味道選擇，我就揀咗兩款口感偏清爽嘅啤酒。前者Classic有名你叫，就係Classic Pale Ale味😂 後者就得意啲，有淡淡椰香味，都唔錯！ 後話📢: 如果Second Draft睇到依個post，我希望蒜泥黑肉可以出現返係個menu度🤣🙏🏻 .⠀⁣ 📍 Second Draft 銅鑼灣京士頓街9號Fashion Walk地下H01號舖 #whereiseathk #whereiseat