融合傳統與創新的潮味道

尖沙咀商場眾多，不過以我個人習慣，要搵食既話，多半會去各大酒店、海港城，以及K11 Musea，其他的則甚少到訪。 其中少之有少的，可說到I Square，若不是朋友相約，我差點兒忘記了這個Mall。 是夜朋友介紹來的潮藝館，平日晚上都有九成滿，看來店家是有一定實力。 朋友點餐，選來的都是傳統口味的菜色，當中肯定包括外脆內嫩、味道咸香的普寧豆腐，簡單美味。 翡翠蟹肉羹，以火熱住保持溫度，是細心位。湯頭夠熱其實已經無得點輸，加上蟹肉在內，漓淡而不至食之無味，喝得舒服。 平時食鹵水嘢，十之八九會吃鵝片，今云改改口味，又墨魚又腎。兩者不同的爽脆口感，同樣討人歡喜，精華從來在於墊底的豆腐，入晒味。 西芹雞縱菌炒蝦球，勝在用料上乘，蝦球身型有番咁上下之餘，爽口彈牙。 春菜排骨煲，又是一味懷舊菜色，春菜清淡甘香，軟嫩無渣，底下的蘿蔔腍身入味，啖湯更加合我心。 甜品前來個蠔仔肉碎粥，有時在外邊食到的，蠔仔份量像要尋寶般，好似彩數。呢度就來得慷慨，隻隻漲卜卜，飽滿味鮮，米粒開花但不太胡爛，我包辦了大半。 嘆埋最後像花般美的糕點，又係抱著個肚歸家既一夜。 見呢度有任食點心，有機會可以來一試。 #潮州菜 (此文章由U Blog 同步發佈至社群)