/ 有請新「冰」進場 /

// 25 10 23 晴天🌞 17:00 鑽石山 荷里活廣場 @auntiesweethk 第一次食甜姨姨，已經對佢有高度嘅評價，無論味道、賣相都掌握得非常之好。搞到成日心思思想再去幫襯，最近收工經過，仲比我發現到有新冰進場。 相信「楊枝甘露」好多人都會食過，但變成刨冰就肯定未試過，既然係咁唔洗諗啦！即刻約埋班鐵腳糖水友，出嚟吹兩咀，順便幫佢試試味啦～ 🔻楊枝甘露冰 HKD$158 ꕀ 最頂有條100%鮮芒果肉雪條 咬落去口感偏似雪葩 味道天然，唔會太甜 下層會有 泰國金柚加鮮忌廉 金柚清香 忌廉輕盈綿密 刨冰中間及最底充滿濃郁椰汁味 而外面就比特濃楊枝甘露汁覆蓋 同時食到粒粒芒果肉、芒果脆脆同熱情果果凍 整體層次非常豐富，酸酸甜甜、又脆、又彈 🔻榴槤奶凍 HKD$68｜榴槤肉100g + HKD$45 ꕀ 雪糕質地嘅奶凍 面上鋪滿金枕頭榴槤蓉 配上一層空氣感十足嘅鮮忌廉 每啖都擁有雙重香味享受 🔻芒果大合奏 HKD$60｜仙草 + HKD$10 ꕀ 裏面會有芒果布甸、芒果肉粒、芒果雪糕、芒果乾、芒果沙冰 多款配料混合，可以滿足晒所有嘅芒果迷 無論味道/口感都相當分明同飽滿 外加仙草 入口滑溜Q彈 🔻黑心太軟 (海邊走走) HKD$128 ꕀ 心太軟外層微脆內軟 裏面會有暖笠笠流心香濃黑芝麻醬 食起嚟整體都恰到好處 既無搶走其它配料味道，又無太甜太膩 再加埋大量芝麻碎 脆口度瞬間提升 配以 海邊走走蛋捲 及 Haagen-Dazs雪糕 嗰種一凍一熱、一脆一滑，零舍滋味 🔻榴槤豆腐花 HKD$68｜Haagen-Dazs雪糕 + HKD$35 ꕀ 豆腐花嫩滑 榴槤汁夠晒濃稠 榴槤蓉啖啖Creamy 其中一款必食推介 ꕀ #鑽石山#plazahollywood#甜姨姨#auntiesweet#甜品 🪴有興趣可以follow我嘅IG：Aria___.k https://instagram.com/aria___.k?igshid=OGQ5ZDc2ODk2ZA%3D%3D&utm_source=qr