中上環有著不少著名景點，包括舊式建築活化的中環街市、大館、特色街道如壁畫街、古董街等，都充滿著舊香港的回憶，今日來到上環小區的一間西班牙小酒館晚餐，想食傳統嘅正宗西班牙菜我好幾推介呢間，價錢合理且味道正宗，必點嘅菜式有西班牙燉飯和火腿芝士吐司，喜歡食內臟的朋友一定要試生牛肉他他同鵝肝醬多士，重口人士不要錯過！ Wagyu Beef Tartare 這款小食一定要加牛油去吃！牛油可以淡化生牛肉的油膩感，生牛肉爽嫩多汁，配埋香脆的脆多士，好香好肥美！ BIKINI 呢個係一款西班牙好傳統嘅小食—火腿芝士吐司，鹹香的火腿配埋超濃味的軟芝士，油脂味超濃厚，好惹味好好食！ homemade pate (chicken& duck liver) 鵝肝醬好棉滑，濃濃的內臟味道慢慢滲出，配上自家製柑橘醬，唔會太油膩，適合配上西班牙最出名的酒Sangria，口感絕佳！ seafood paella 店家用海鮮湯去燉煮，令到整個飯落去好濕潤好正，口感有點像意大利飯的生熟米的咬感，再加入海鮮去焗製，海鮮的鮮味和濃湯完美配合，墨魚爽滑彈牙，蝦肉新鮮甜美，好正好好食！ tartilla de potatoes 加入大量洋蔥、磨溶的薯仔和雞蛋一起去煎香，比起吃炒蛋的口感更厚實，略嫌味道偏淡，配埋沙律醬就最好食喇 Sangria 店家好大方咁倒咗一大杯俾我哋，加咗好多新鮮的青蘋果、蜜瓜和菠蘿，能夠減低紅酒的酸澀味，好易入口好正！