幾個朋友聚會，加上涼涼地，最好就係係羊腩煲🔥 呢間餐廳夜晚去座無虛席，仲有好多人等位，就知咩料啦🤭 古法秘制羊腩煲 我哋揀咗最細size ，但材料都好豐富， 羊腩大大舊厚肉軟腍，仲有枝竹、馬蹄、竹筍等，全部都好入哋，另外亦包一籃菜🤩 招牌菜推介🌟 老闆自製豪門卷 油炸鬼外層，酥脆香口，而裡面係彈牙嘅墨魚滑，配上泰式甜酸醬更惹味 酥炸牛坑腩 外面炸至金黃色，鬆化脆口，牛坑腩軟腍，且肉味香濃，好有口感🥰 順德焗魚腸 傳統順德菜🤩，手工菜，唔係好多餐廳有提供。 朋友都係第一次食🤭 呢度煮得好出色，蛋味好香，無腥味。 人生之路 真係令我哋思考咗好耐😂 原來係甜酸苦瓜～有齊甜酸苦辣😌 有意思之外，仲好好味😋 另外仲有薑蔥霸皇雞半隻 、蒜蓉粉絲蒸扇貝 、鮮茄豆漿鮮竹浸時菜都一樣咁正👍🏻