日本大阪京都5天快閃之旅

#全民打卡企劃 打開護照原來未用過，自從有了小朋友後就冇去過旅行，如果唔係抽到平機票，我諗我本護照都係擺到過期。 今次係同我家姐同行，咁耐以嚟原來兩姊妹都未試過一齊去旅行。去之前已上網搵定資料，見有人介紹這間「弘」燒肉，所以上網預約定，但full booking，因為我哋都想試，所以當日就walk-in試吓，好好彩唔洗等就有位了。 唔知係咪全部都係包廂呢？佢俾咗個包廂我哋，坐得好舒服。我哋叫咗個牛內臟拼盤、葱花牛舌及壺漬和牛肋肉，配埋3款醬汁食簡直係perfect match。以這個價錢食到這個質素係十分抵食，唔怪之得成日full booking。如果真係想試的話可考慮walk-in試吓。