銅鑼灣｜傳統戲棚將重現於維園

以前細個好鍾意去陪婆婆睇粤劇，因為戲棚氣氛熱鬧，粤劇化妝服飾華麗，漸漸亦令我對粤劇文化產生興趣 其實戲棚真係好有香港特色，因為棚架係由專業搭棚師傅，以熟練綁篾技巧，用真竹一手一腳搭建而成，再加上紅白藍帆布，能遮風擋雨😌 之前香港文化中心設有「戲棚．棚戲——一個香港的文化符號」展覽，場內展出戲棚實景😍，右邊有木製衣箱，有多個隔層同抽屜，仲可以搖身一變變成梳妝枱🤩而左邊就有放置化妝品嘅妝身箱同平頭箱，打開之後就可以變成熨衫位置，實用又方便。至於衣箱位中間，就有模擬更衣室同廁所🚾。 展覽設有棚架，加上鎢絲燈做佈置，柔和嘅燈光，帶來舊日情懷，不禁回想戲棚傳統親切氛圍🥰雖然文化中心嗰展覽已經圓滿結束，但又有好消息啦❣️ 好消息❣️相距多年，傳統戲棚喺9月23號-10月8號將重現於維園3號球場‼️ 中國戲曲節2023：太平處處是優場—維園粤劇戲棚匯演已經開始賣飛啦， 快啲去URBTIX城市售票網買飛帶家中老友記一齊去睇啦❗️ #中國戲曲節2023 ##ChineseOperaFestival2023 #COF2023 #中國戲曲節 #ChineseOperaFestival #COF #戲棚 #BambooTheatre #維園 #康文署 #康樂及文化事務署 #LCSD #粤劇 #CantoneseOpera