回頭率高打卡西餐✨

已經係第六次去Inn旗下嘅餐廳🙈佢喺荔枝角同埋尖沙咀嘅分店我都有去過，今次就過嚟觀塘嘅分店同朋友食飯，佢嘅裝修不嬲都係法式花花style，嗰晚去都見到好多朋友聚會同打卡✨ 🍝意大利風乾豬面頰肉鮮茄意粉 $138 風乾豬面頰肉鹹鹹地好惹味，鹹香味配上鮮茄醬，啱啱好中和咗肥膩感，意粉有咬口好食。 🍖蜜糖芥末籽燒西班牙黑毛豬鞍架 $248 有驚喜，食過幾次唔同款式嘅黑毛豬我都覺得佢哋喺處理豬類食物上面係幾好，唔會燒到太韌，個肉質啱啱好。 🫐Mixed Berry Kakigori $108 呢個係佢哋夏日新出嘅甜品，有超多生果係上面，有士多啤梨、藍莓、藍莓醬仲有mochi。雪花冰係一道好適合夏天食用同埋打卡甜品。 價錢合理、味道好食、裝修又係法式花花，下次一定會再去💕 靚景指數：💛💛💛💛💛 好食指數：💛💛💛💛💛 抵食指數：💛💛💛💛 @inn 📍INN - I’m Not Nothing (裕民坊YM²) 地址: 觀塘協和街33號裕民坊YM² 2樓205號舖 #cakeoftheday#我想試食蛋糕#2023必玩必食#一齊飛