馬鞍山超值精緻甜品店推介 - Soul Sweet

今次山長水遠入咗馬鞍山搵朋友，之後一齊試咗一間低調得嚟又幾高質嘅精緻甜品店 - Soul Sweet，覺得呢間馬鞍山甜品店真係幾超值又好味，值得推介！😋👍🏻 Soul Sweet位於馬鞍山MOSTown 新港城中心大街嘅地下鋪，店面裝修比較低調係深色調加木嘅簡約風，店內有點輕工業風，店舖唔大，不過有好靚放窗邊嘅兩人枱，今次坐到可以一路欣賞窗外風景，一路同朋友傾偈食甜品，幾唔錯! ～ 現烤果王 · 半熟奶酪 伴班蘭汁 $68 呢度嘅甜品都好靚好精緻，全部都係即叫即整，叫咗其中嘅推介。第一個係現烤果王 · 半熟奶酪伴班蘭汁，即係榴槤嘅甜品。😋下層係香滑嘅芝士榴槤果蓉，上面有冰凍嘅雪糕🍦。食落好香好有榴槤味，夾雜住淡淡嘅芝士香🧀，全部一齊食好夾， 好有層次! 好好味，好啱我呢個榴槤控😋🤤♥️好推介！真係so sweet！😂😂 ～ 玉桂蘋果金寶🍎 $60 Apple crumble係裝喺煎pan，好靚好啱打卡，新鮮熱辣上枱，肉桂味超香🥰 蘋果金寶上面配咗雪糕🍦😋好吸引！Apple crumble好香甜，入面有滿滿嘅蘋果同提子乾，酸酸甜甜，夾埋雪糕好好味，而且甜得嚟又唔會膩！好好正！😊😙😙 呢間甜品店低調得黎又好味，而甜品都好精緻好啱打卡。🤩📸重點係唔貴就食到咁高質嘅甜品，真心推薦大家有機會可以試下！☺️✅ Soulsweet 甜匠 📍馬鞍山鞍誠街8號MOSTown Street新港城中心大街(2期)地下G-2/12-13號舖 推介程度：❤️❤️❤️❤️❤️ #低調 #甜品 #馬鞍山甜品 #馬鞍山甜品店 #甜品店 #甜匠 #soulsweet #現烤果王半熟奶酪 #玉桂蘋果金寶 #榴槤控 #必食 #雪糕 #美食 #馬鞍山 #熱門菜式 #打卡 #攻略 #chill #週末 #下次要再食