/ 來自神的恩典 /

// 20 11 23 晴天🌞 20:15 中環 些利街 Tower 2 @hungrydino.hk 古時候，日本人相信會有掌管豐收嘅神靈存在，因此興建各式各樣嘅「稻荷神社」，而神社裏面主要供奉掌管五穀嘅「倉稻魂神」。 因為「倉稻魂神」同農業、豐收息息相關，所以，就有人提議將佢改稱為「お稲荷さん」「稻荷神」。傳說中，每位神明都會挑選一種動物，成為佢哋喺民間傳遞重要訊息嘅使者，而剛好呢份工作，非常適合當時擁有聰明，但極具靈性嘅「狐狸」擔當。 一直以嚟，日本人會將油揚視為「狐狸」最鍾意嘅食物，民眾為求得到豐收嘅祝福，不惜落力討好使者，將大量米飯塞入油揚，製成祭品然後供奉。 隨住時代嘅演變，到咗江戶時代，名古屋終於正式誕生，第一款平民最愛食嘅腐皮壽司啦！ 𖤐ˊ會有加一服務費 🔻炙燒左口魚蟹膏丼 HKD$208 ꕀ 左口魚邊極之肥美 散發出完美光澤 而且肉質細嫩 咬落去入口即溶 味道無比鮮甜 當中甘香嘅魚油 更會係口腔裏面慢慢湧出 壽司飯嘅醋味平衡得相當唔錯 絕無搶走左口魚邊嘅味道 加埋蟹膏、蔥粒簡直無得頂 好食到停唔到口 我同肥仔一試難忘 必定會再訪 🔻牛油蒜香赤蝦 HKD$36 ꕀ 赤蝦鮮嫩、爽口、大隻 每啖都充滿住牛油同蒜香嘅味道 壽司飯跟醋嘅比例剛好 出嚟酸度合適 腐皮除咗甜甜哋 仲會有淺微炙燒後嘅煙燻香氣 當兩者同時進食 味道零舍開胃 重點真係超級大件 所有壽司都要分開兩啖先食得晒 🔻蟹膏甜蝦 HKD$36 ꕀ 甜蝦鮮甜 質感細綿 蟹膏香濃 入口Creamy 再加上中間嘅蟹籽 即時集齊鹹香鮮甜 喺味道配搭方面 絕對係稱得上有驚喜 🔻黑松露帶子 HKD$38 ꕀ 兩塊肥美嘅帶子 肉質嫩滑豐厚 味道甘甜 壽司同帶子中間 更會夾雜住黑松露 食起嚟非常之足料 🔻辣味三文魚 HKD$35 ꕀ 有種辣椒醬同甜醬混合一齊嘅感覺 味道偏向少少似韓式大醬湯 整體惹味得嚟又唔會過辣 🔻蟹膏蟹籽燒飯團 HKD$59 ꕀ Creamy嘅蟹膏夠晒鹹香 而且份量多 再配埋壽司飯嘅煙靭、清脆嘅蟹籽同紫菜 口感層次特別豐富 🔻𝐁𝐞𝐚𝐁𝐞𝐚 𝐁𝐢-𝐫𝐮 HKD$88 ꕀ 麥味濃郁 酒味唔苦 花香突出 相對較易入口 係我鍾意飲嘅味道 ꕀ #中環#些利街#為食龍#hungrydino#日本菜