《沙田濠餐廳 $483食足3個鐘晚餐自助餐》 今朝出咗呢間Buffet嘅Youtube片，未睇快啲去睇番‼️ 今日殺到入沙田食自助餐，搵埋爸爸媽媽去試吓麗豪酒店嘅濠餐廳。而家以東南亞海鮮燒烤做主題，一齊去睇吓究竟值唔值得去食啦！ 坐低後送上每人一碗熱辣辣嘅迷你佛跳牆️，裏面有齊鮑魚、黨參、豬展、瑤柱、冬菇同杞子，足料之餘味道溫和，超好飲，正！ 星馬泰「味」力之旅-東南亞海鮮燒烤美饌自助晩餐 🔻海鮮 5款海鮮包括：波士頓龍蝦、松葉蟹腳、藍青囗、翡翠螺同蝦。龍蝦爆哂膏賣相吸引食落有鮮味；蝦肉彈牙但冇乜鮮味；蟹腳味道太鹹；青口同螺就不過不失 🔻刺身 5款刺身包括：三文魚、甜蝦、鯛魚、吞拿魚、希靈魚，頭3款都柔軟有鮮味，但吞拿魚麻麻。 🔻前菜沙律 芝士有4款，2款軟芝士都幾好食。3款火腿都唔錯 🔻燒烤 燒烤區亦係特色之一，包括：多春魚、茄子、菠蘿、串燒、牛仔骨、羊架、大蝦、燒蠔等等。燒蠔、菠蘿同牛仔骨最值得食，蠔肉飽滿又夠嫩，其他燒物都唔會太乾身 🔻熱葷 熱葷有齊中西印唔同菜式，中式款式最多，炒龍蝦鉗味都唔錯，另外仲有燒味、蒸魚、辣子雞等等嘅菜式。西式方面，和牛牛扒顏色粉嫩，肉質都唔會過硬，另外酥皮盒同紅酒炆牛尾都幾好食。咖喱都有3款開鎖，當中嘅咖喱牛腩超入味又軟腍，好正 🔻甜品 甜品選擇都唔少，熱食嘅甜品有：雞蛋仔、麵包布甸、豆腐花、椰撻同蘋果吉士撻，另外仲有各式西餅、甜品杯同埋楊枝甘露。蛋糕類甜品雖然賣相唔算好精緻，但選擇好多而且味道唔錯。可惜熱食甜品就麻麻，需要改善。 每日8點仲有限量甜品——火焰雪山，Movenpick有4款口味。 整體款式唔算好多，不過應有嘅都有齊，以呢個價錢嚟講其實真係幾抵食 時間：6:30-9:30p.m. 價錢：星期1至4(成人$568➡️$482.8; 小童長者 $398 ➡ $338.3)；星期5至日及公眾假期(成人$628➡️$533.8; 小童長者 $438 ➡ $372.3) 我哋11月食有85折，12月見價錢有更新，所以將最新嘅價錢寫俾大家參考吓，聖誕可能又有調整，記得上網睇返 聖誕自助餐12月17號開始 成人$608起 ; 小童長者$428起 12月10號前訂座同預繳全數有75折 12月16號前訂座同預繳全數有8折 濠餐廳 (沙田) 沙田大涌橋路34-36號麗豪酒店3樓 #社群生日快樂 #自助餐 #草根姊妹