遇見花蓮食盡台式小火鍋！

打邊爐無分季節，又係隔一排就要post一次嘅火鍋餐廳！時不時都掛住台灣景色，更掛住夜市在地美食😋當然最掛住嘅係台灣嘅人情味，無得飛住就不如嚟個台式小火鍋止一止去台灣嘅癮✈️嚟到位於北角嘅遇見花蓮，環境好光猛地方都好闊落，坐得好舒服！望望餐牌，不論小食、主食、鍋物、甜品、飲品，都有多款台式食品，食物種類多元化～ 台式香濃沙茶鍋 沙茶鍋係唔食辣嘅首選，原本沙茶都唔算火鍋醬料，但隨著及時代變遷，沙茶醬變成火鍋嘅標準配備了，用嚟做湯底就更一流！呢個沙茶鍋有麻雀雖小五藏俱全嘅感覺，望落一鍋好豐富，用料方面都好新鮮！配料有娃娃菜、牛肉片、米血糕、牛丸、沙白、粟米、金菇、炸支竹、鳴門卷、花枝丸、韭菜、蕃茄，鍋底嘅沙茶醬非常香濃好味，我鍾意將材料稍為攪拌均勻，令所有食材都沾滿香滿湯汁先食～加埋跟餐嘅薯粉同鍋內嘅粉絲一齊食，飽肚又好味 (跟餐可揀跟麵或飯類，揀滷肉飯都得!) 花蓮小食拼盤 (鹽酥雞、牛肚、豬大腸、雞卷、滷蛋、香腸、地瓜酥、脆魚塊、麻辣鴨血) 提起台灣，一定會諗起當地夜市小食，呢個小食拼盤就包攬晒所有台灣招牌美食，一次過試曬唔同嘅台灣地道小食，非常有台灣感覺！拼盤以九宮格木盒呈上，非常吸晴📸每款有2件，份量貴精不貴多～特別鍾意鹽酥雞，出奇地大件，又拍得住台灣本地鹽酥雞咁重口味，鹹香酥脆、口感恰到好處！麻辣鴨血亦有驚喜，滑嫩口感加上香辣滋味撲鼻，滿足到食慾，不過比想像中辣🔥 起司肉鬆捲餅 一份有4件，個餅皮好煙韌，帶微微脆口，淋上甜甜醬油膏，入面係半融芝士加上肉鬆，非常惹味 (要小心啲夾住否則啲餡好易漏出嚟😂) 士林夜市蟹蓋 係好有內涵嘅小食，表面呈焦香狀口感脆脆的，入面係肉眼可見係一絲絲嘅混合清新雜菜絲，香味滲晒出嚟～味道濃郁又唔會太過油膩！ 愛文芒果烏龍茶 愛文芒果香氣同烏龍茶味道融合得恰到好處，推介✨ 夜市鳳梨水果茶 會感受到水果本身嘅酸甜滋味，清爽解渴之餘味道酸酸甜甜，一邊飲一邊食埋底部嘅菠蘿肉碎，好滿足！ 🥢遇見花蓮 #foodie#foodiehk#hkfoodie#foodphotography#food#foodiegram#foodblogger#foodpics#台灣餐廳#台灣菜#hongkongfood#香港美食#食評#北角#北角好去處#台灣夜市#蛋餅#捲餅#炮台山#炮台山美食#炮台山好去處#遇見花蓮