🍴品嘗極致和牛懷石料理🥩

位於中環萬年大廈嘅USHIDOKI矜貴嘅懷石料理,menu由日本主廚 #廚師發辦 ,並採用鹿兒島嘅小田和牛及時令食材,由tongue to tail為主題,烹煮出小田牛嘅魅力;全晚共十一道菜,每道都極具心思,由擺盤到食材都完全感受倒日本人對食物嘅專重及執著! 🍴廚師發辦 🥩 $2000/位 🥗先付𝐀𝐩𝐩𝐞𝐭𝐢𝐳𝐞𝐫:和牛嘅希有部位;口感軟嫩,入口溶化!下層有炙燒過嘅帶子同炸到薄脆嘅蓮藕片等配料,酸酸甜甜作為前菜好開胃! 🥣座付𝐙𝐚𝐭𝐬𝐮𝐤𝐢:以牛舌煮淆高湯、加入雪場蟹腳、蘿蔔同鶯菜嘅熱湯,清澈嘅湯頭清香暖胃,牛舌口感扎實!一齊上菜嘅炭燒和牛西冷壽司伴紅酒蘋果醬汁,建議飲完熱湯再用手食,別具一番風味! 🥩向付𝐌𝐮𝐤𝐨𝐮𝐳𝐮𝐤𝐞:一打開就放出櫻花木煙燻嘅煙!頂層有北海道海膽同魚子醬,下面放左加入左洋蔥、酸瓜等嘅和牛他他;底層放上自家製海膽醬汁,第一啖先品嚐原味,第二啖可拌勻海膽汁,最後可放在炸物上食,味道帶有魚子嘅咸香,生和牛軟嫩無比,口感豐富! 🍲温物𝐖𝐚𝐫𝐦 𝐝𝐢𝐬𝐡:震撼登場嘅和牛壽喜燒~呈粉紅色嘅和牛太靚了!見主廚放入由開業時熬煮至今嘅壽喜汁,輕輕淥兩下已香氣撲鼻,軟嫩綿滑!配上大大件黑松露由主廚即席刨出,視覺、嗅覺同味覺都奢華極致! 🍦箸休Hashiyasume:讓味蕾小休一下!食返個柚子沙冰,貼心又清新! 🍣握りNigiri:採用日本皇室御用嘅海苔,包住牛和、三文魚子同潰物,味道鮮甜,配搭出色! 🥪強肴Shiizakana:分別有海膽同魚子醬作伴嘅吉列西冷和牛!牛油脂豐盈,肉味濃郁!跟住食一口紫色嘅小植物甘露子,清一清口感後可感受唔同味道! 🥣煮物Nimono:温煮和牛肉眼蓋,以魚湯及牛湯加入蘿蔔乾蓉同白子一齊食,湯頭味道香濃仲完全唔會腥! 🔥燒物Yakimono:擺盤極有意境嘅燒和牛西冷,仲有炸鵝肝、沙糖吉等配料;燒過嘅和牛肉質香嫩,帶有肉汁!可加點青檸汁更惹味!其他小配料又靚又好食! 🍜食事Shokuji:最後嘅牛肉稻庭烏冬,粉紅色嘅和牛呈霜降油花,半邊浸落湯,入口脂香細膩,味道濃郁! 🍮木菓子Mizugashi:甜品有我最鐘意嘅栗子蓉海鹽雪糕,香甜可口!另外仲有黑芝麻布丁;為精彩嘅懷石料理劃上完美嘅句號! #社群時間囊#社群生日快樂

平均消費
HK$2000
地址
中環
香港中環
評分
5/5
下一篇載入中