奢侈一次🤩2023年米芝蓮餐廳-蘇浙匯

返工咁辛苦，終要獎勵下自己，今次經同事提議就試下一直係我地公司樓下的米芝蓮餐廳啦🤩 其實一直都想試，但冇咩機會 大家都唔係好肚餓，所以只叫你4個餸，嘗嘗鮮😝 前菜有些涼拌木耳青瓜，好開胃 紅燒肉 ⭐️⭐️⭐️⭐️ 貌相一流，肥肉食落入口即溶，一d都唔膩。甜度剛好，當然配埋飯就更好啦！ 黃金蝦球 ⭐️⭐️⭐️⭐️⭐️ 隻蝦好大隻又爽口，咸蛋黃包得隻蝦好均勻，但味道又唔會蓋左個蝦既鮮味😋 招牌樟茶鴨 （半隻）⭐️⭐️⭐️ 鴨食來唔會過油，有微微煙燻味，所以配那個類似小饅頭的包就會冇咩味，個醬又唔太夾 砂鍋扁豆尖豆腐⭐️⭐️⭐️⭐️ 咁多肉，終要食返個蔬菜類🤣估唔到調味剛好，可以食物掛到汁，都係配白飯更好食 環境高樓底，枱同枱之間距離都夠遠，所以坐得幾舒服。員工都好熱情，會留意我地既需要😍 #中菜餐廳 #打卡美食 #美食推介 #香港美食 #港島美食