活化嘅大埔咖啡店

大埔係我成長嘅地方，今次呢間餐廳以前係文娛中心，中學時會去聽下音樂會 （學校被迫的），不過隨住時間流逝，而家呢度已經轉型變咗其他用途。 今晚一家十囗嚟到呢度晚飯，前菜同主食可以選擇嘅種類唔多，所以好多都要一款叫兩碟。 前菜我哋揀咗雞沙律、炸粟米球。 粟米球真係成個都係粟米，好足料，味道都唔錯。 不過雞沙律嘅雞肉份量就唔算好多。 主菜我哋叫咗四款，分別係卡邦尼、大澳鹹魚鮮蝦意粉、三文魚意大利飯同素肉漢堡包。 其中覺得個鮮蝦意粉味道幾特別，唔錯。 而卡邦尼我都幾喜歡。 飲品叫咗果茶同 lime espresso soda，果茶可以refill 熱水，唔錯。 而咖啡嘅味道都幾特別。 最後叫埋甜品，不過印象普通就唔寫了。 總括覺得呢度嘅味道唔錯，但就唔太適合一班人嚟食，如果佢menu 可以豐富一點，都可以再嚟。