🇲🇴澳門社區深度旅遊✨關閘✨

難得放假就想周圍遊～作為澳門媳婦，其實我成日都去澳門，今次我就去澳門關閘深度遊🤭 通常我去到澳門會食午餐先，之前有澳門朋友介紹過我食✨「Nic爸茶記」，今次去關閘就一於放佢係第一站去試吓。 係港珠澳大橋過關到澳門後，搵巴士站搭101X巴士🚌。101X巴士係港珠澳大橋邊檢大樓同亞馬喇前地嘅循環路線。係青洲/嘉應花園站落車，沿白朗古將軍大馬路行7分鐘，就到「Nic爸茶記」。 我平日午餐時間去到，茶記入面都坐得幾滿。入面有啲卡通壁畫🐈，幾可愛～仲有免費WiFi用。 職員推薦中午扒餐，大份價錢又唔貴，真係見好多枱都食緊，當然都要叫😂 🥩厚煎梅花豬扒拼雞扒 MOP 59 份量係不少，豬扒同雞扒都好入味，肉質嫩滑。外層煎得焦香，真係唔錯😋揀咗洋蔥汁正常發揮。意粉凍咗少少，意粉唔算大份食得哂。 🍜豬軟骨拉麵 MOP 39 豬軟骨都比幾多，大大塊的。醃得幾惹味，整體唔錯😋 🥛鮮奶咖啡 + MOP 9 奶香味較突出，口感都滑順。 ☕️黑糖菊花茶 + MOP 4 清甜潤喉，好啱秋冬飲。 ———————————————————————————— 📍Nic爸茶記 地址：澳門白朗古將軍大馬路 778 號威苑花園(C 座) 營業時間：上午 7:15 -下午 6:00 電話：+853 6699 0150 ———————————————————————————— 食完午餐就想周圍散下步。由Nic爸茶記，沿何賢紳士大馬路會見一條橋，過橋後就係關閘其中一個地標✨「紀念孫中山市政公園」。公園紀念曾經係澳門住過嘅孫中山先生，公園中央亦有孫中山銅像。 入口經過瀑布廣場，公園內以中式園林設計，有古典韻味。有人工湖、彎曲嘅橋係湖中央、涼亭、小樓閣等，好雅致嘅感覺。天氣涼涼地，係公園慢慢散步真係幾舒服🍃。 公園內仲有圖書館同泳池，有埋WiFi添～😆 ———————————————————————————— 📍紀念孫中山市政公園 地址：澳門何賢紳士大馬路 開放時間：全日 ———————————————————————————— 由公園出嚟沿何賢紳士大馬路行去到關閘廣場。本身想係關閘拱門打卡，不過依家拱門做緊維修。拱門係1871年建成，歐式建築風格，刻有四個歷史日期。不過依家攔住咗睇唔到完整。 到關閘可以經珠海出入境大樓過關去珠海。亦有好多巴士🚌去澳門其他地方。無論係去關閘悠閑行下，或者作為中轉站都好方便。 #感受澳門樂無限#ExperienceMacaoUnlimited#感受澳門#ExperienceMacao#澳門#Macao#澳門深度遊#創意城市美食之都#關閘#深度旅遊#深度遊#公園#澳門旅遊#澳門景點#澳門美食#澳門好去處#打卡#打卡景點#假期好去處#澳門好去處#放假好去處#holiday#澳門打卡#hkblogger#hkfoodie#foodie#hkgirl#我想收聖誕禮物#我想收到CHU聖誕擴香套裝