北區日式燒肉推薦📍一燒肉

【北區日式燒肉推薦📍一燒肉】 爸爸嘅“暑假”就快完結，邀請佢陪我午餐豪一豪，食日式燒肉 + 飲啤酒🍻～～ 極上甲羅燒套餐》有蟹味噌甲羅燒配鵪鶉蛋、鹿兒島A4和牛壺漬、和牛肩肉＆厚切牛舌芯配鹽蔥。我地嗌生菜🥬配燒肉，減少油膩感。牛舌芯夠淋又保持到一定嘅彈牙口感，配鹽蔥牛味提升😋。和牛壺漬一粒粒，牛味濃郁，醃料令佢更甜更有特色。甲羅燒蟹味鮮甜，就咁食都okie🤭 鹿兒島和牛三食套餐》有和牛肩胛小排、和牛赤身＆和牛角切，牛油油花度各有不同，燒嘅時候聞到吸引嘅牛脂香氣，食嘅時候就滿口牛味🤤🤤🤤🤤 鹿兒島A4和牛肉眼壽喜薄燒》勁好食！和牛肉眼本身已經夠香牛味，撈埋黑松露日本玉子，又滑又香又甜😍，必試！！ 我地仲嗌咗幾款串燒🍢＆肉食，飲埋啤酒🍻，食埋套餐跟嘅甜品，今餐真係好豐富，食得好開心🥰～