餐廳主打性價比高既新派粵菜😬

🌟餐廳：盈圖 📍地址：大角咀海庭道2號海富商場1樓106號舖 ⏰營業時間：星期一至日 07:00 - 23:00 💰價位：～$100 - $200 📱電話：2690 9118 今晚好想食中菜，一於約埋媽媽試下呢間位於大角咀既「盈圖」先~餐廳主打性價比高既新派粵菜，晚市多款菜式更提供眾多優惠，價錢又親民，一於試試！ ——————————————————— 🔹咸香花生 - 呢款餐前小食咸香花生超好食~花生卜卜脆而且夠咸香，必試~ ——————————————————— 🔹黃金鮑魚雞煲 - 晚市優惠推出左呢款黃金鮑魚雞煲，即叫即煮煲仔菜，鑊氣十足，熱辣辣香噴噴~ 雞肉份量十足，以乾蔥、蒜頭等配料爆香，上層仲加入大大件原隻鮑魚，口感煙韌，成個菜式香口惹味，無論送飯或者佐酒都一流! ——————————————————— 🔹金銀蛋浸時菜 (菜心) - 鍾意食菜既我地就揀埋呢款金銀蛋浸菜心~ 大大碟夠哂豐富，上湯加入咸蛋、皮蛋及炸蒜粒等熬制，味道咸香，配搭大大棵鮮嫩菜心，夠哂足料~ ——————————————————— 😋味道：4/5 🏢環境：4/5 💁🏻‍♀️服務：4/5 💵價錢：4/5 🤟🏻性價比：4/5 ——————————————————— 👅整體小總結 呢間中式酒家「盈圖」，裝修光鮮，樓式夠高之餘，空間感亦一流，用餐環境舒適~ 食物方面，晚市既特色小菜選出眾多，而且推出多款套餐及優惠菜式，重點係價錢親民，深受附近街坊歡迎~下次一於約埋屋企人黎試下佢地既茶市點心先~