厚福館🍲♥️

秋意漸濃，又黎到打邊爐既季節～今日約埋朋友仔黎到九龍城呢一個美食集中地，試下呢間「厚福館」，歎下佢地最近大熱～既養生又滋補兼豪華既招牌足料燉佛跳牆湯底先！ 🔹火鍋醬料 一坐低，店員就提供火鍋醬料盒，各款醬料如蒜蓉、炸蒜，辣椒粒，蔥花及芫茜等基本火鍋配料都有供應～好齊全～ 🌟 餐前小食 🔹冰鎮鮑魚 - 鮑魚夠厚身，肉質鮮味爽彈，做冷盤一流～ 🔹秘製香炸黑松露餃 - 餐廳自家特色小食，餃子炸到外層香脆，餡料夠豐富，搭配惹味黑松露醬，令人食慾大振～ 🔹脆炸白豬仔午餐肉 - 朋友仔至愛！原罐午餐肉厚切大大件，外層炸至卜卜脆，無論用黎打邊爐抑或作為餐前小食都冇得頂～ 🔹 招牌足料燉佛跳牆湯底 湯底當然揀招牌足料燉佛跳牆湯底啦！淨係個名已經夠哂吸引～ 上枱賣相一流，有齊鮑魚、大花菇、金華火腿、魚翅、螺片、花膠及雞肉，超奢華，店員加入鮮濃雞湯，大滾後即刻歎返碗滋補下先，首選螺片及鮑魚，兩款高級食材肉質炆煮得夠晒火候，爽彈煙靭，湯頭勁鮮，散發淡淡咸香，好正！ 🔹手切招牌封門柳 呢款手切封門柳擺盤夠精緻而且仲係即叫即切～牛肉既油脂雪花均勻，厚度適中，肉身色澤紅潤，輕輕淥幾秒就食得，牛肉味亦相當濃郁，大推！ 🔹花雕醉雞 我地揀左半隻花雕醉雞，上枱時已傳來陣陣花雕酒香氣～雞件新鮮滑嫩，酒香四溢，慢火熬煮後，肉質入口夠哂滑順，酒味濃郁，大推！ 🔹原條野生竹笙 呢度既野生竹笙超大條，口感爽脆，重點係索哂湯底既精華，食落大滿足～ 🔹鎮店汕頭牛丸拼台灣巨型貢丸 打邊爐又點少得叫返兩款丸類，餐廳仲好貼心可以自由組合雙拼丸類，啱晒我哋可以試多兩款～ 鎮店汕頭牛丸，貨如其名，入口夠哂彈牙，牛味超濃郁，必試！ 至於台灣巨型貢丸認真大大粒，由台灣直送，用料豐富，大滿足！ 🔹養生姬松茸 姬松茸菌菇味獨特而且濃郁，配搭佛跳牆湯底超夾！ 🔹山水豆腐 打邊爐我必點既配料～豆腐夠哂新鮮香滑，健康得黎又營養十足～ 🔹手打墨魚滑 呢款自家手打墨魚滑用料豐富，加入蟹籽層次感十足，墨魚粒夠足料，鮮香味濃～ 🔹皇帝菜 皇帝菜份量十足～大大棵又夠翠綠，皇帝菜嘅菜莖，帶點嚼勁，入口夠晒清新～ 🔹濃香手打芫茜麵 最後點可以浪費咁足料嘅湯底～我哋一於叫呢款濃香手打芫茜麵，麵質爽彈有口感，芫荽味又夠突出，最正就係索盡湯底嘅精華，食得好滿足～ 🔹 竹蔗茅根水 足料竹蔗茅根水清潤解渴，清甜而不膩，打邊爐嘆番杯就啱晒～