長沙灣必去cafe推介! 台灣系小清新 x 寵物有善!哈欠

哈欠Cafe喺長沙灣,間餐廳嘅設計好似台灣嘅日式咖啡小店。白色嘅外牆同木門,仲有哈欠嘅中文logo,好有特色。入到去見到灰白色嘅牆身同灰色嘅水泥地,再加上木枱椅同乾花裝飾,有啲輕工業風同少女清新風嘅感覺。播住國語流行歌,就好似喺台灣小巷嘅咖啡店,真係好懷念去旅行嘅時光。 Cafe最大特點係有一個房間俾帶寵物嚟嘅客人用,唔單止可以食到美味嘅食物同獨特嘅飲品,仲可以同自己嘅貓、狗玩,真係一個令人放鬆同開心嘅地方。呢度唔單止係一間cafe,仲係一個提供寵物空間嘅餐廳,好適合帶住毛孩嚟放鬆同享受。客人都可以睇到可愛嘅狗狗貓貓,心情都特別靚☺️👍🏻! ~ 大阪燒香脆雞排配牛角包窩夫 $88 上碟時候熱辣新鮮,好香,上面仲鋪滿咗木魚碎,不停冒煙,唔止好靚相,更加上動感。😍📸 牛角包窩夫嘅酥皮香脆可口,再加上大阪燒嘅汁同蛋黃醬,令人覺得食緊章魚燒咁。而雞排就係酥炸過嘅,外皮金黃鬆脆,肉質都好嫩滑美味。大阪燒嘅醬汁令雞排更加美味多層次! ~ 草莓藍天白雲 $52 呢杯凍飲上半部係淺藍色嘅牛奶,底部係紅色嘅士多啤梨醬。整杯飲品嘅外觀好靚,杯頂嘅奶泡就好似雲朵,真係會令人諗起藍天白雲😍。攪拌均勻之後變成紫色,又有另一種美感,加埋士多啤梨果肉嘅牛奶更加豐富口感。 哈欠 haahim 📍長沙灣東沙島街149-151號地舖 推介程度:❤️❤️❤️❤️❤️ #文青 #咖啡 #cafe #哈欠 #寵物 #寵物cafe #寵物有善 #貓 #狗 #長沙灣 #打卡 #chill #relax #熱門菜式 #打卡 #攻略 #chill #週末 #下次要再食

平均消費
HK$140
地址
哈欠
香港長沙灣東沙島街149號151地鋪
評分
5/5
下一篇載入中