OPPA韓國燒肉店

人人都去韓國，我仲未有機會飛🥹，唯有食住韓燒頂頂癮先！ 勁正呀！最愛嘅前菜係無限任添🤣，醒目訂咗枱，會送有鮑魚冷盤✌🏻，冰涼又彈口，啱晒夏天食～ ［菠蘿牛肉］🍍 好靚好吸引，有外表亦有內涵，新鮮菠蘿令到牛肉肉質更嫩更淋，但又保持到牛肉嘅味道👍🏻。我地用生菜包住牛肉、菠蘿或者洋蔥一齊食，酸酸甜甜又有牛肉味，大家必試呀！ 點少得主角［和牛拼盤］🐮，擺盤精緻，牛肉份量＆厚度都剛剛好，啲牛嘅脂肪比例平均，一燒就有香噴噴牛脂味，啲牛好嫩，點埋醬汁食到停唔到口😋 ［原隻西瓜冰］🍉超爽，仲好啱打卡，鮮甜又解渴，中和燒肉嘅油膩感，perfect match 🥰～～ 下次再黎試其他菜式🤤 = = = OPPA韓國燒肉店 = = = 📍旺角洗衣街117號建煌華廈地舖