元朗必試獲獎隱世Cafe - Accro Coffee

元朗必試獲獎隱世Cafe - Accro Coffee 之前經過元朗時見到呢間隱世Cafe , 一直都好想試下，今次終於有機會去試了🤤。發現呢一間係獲獎無數嘅cafe，啲咖啡果係好飲，要推介吓！😆 成間咖啡店都係工業風裝修，店面已經係全水泥牆身，門口都比較隱蔽，感覺好神秘。點知一入到門口見到佢擺放咗好多獎杯獎牌係玻璃櫃，感覺佢啲咖啡會好有保證，好期待！😍 ～ 手沖咖啡☕💁🏻‍♂️ $70 呢度特別推介係手沖咖啡同虹吸咖啡，雖然虹吸咖啡比較少見，但一場嚟到都想試吓佢哋每日都唔同嘅手沖咖啡，而且間間舖頭嘅咖啡風味都會唔同，所以最後揀咗手沖！佢地沖咖啡嘅技術真係好好，feel 到有心，欣賞佢哋沖咖啡都係一個好好嘅享受😌☺️！今次嘅咖啡豆係偏果味嘅中烘焙，出嚟好有香味，咖啡味香濃又有淡淡果香，酸度適中，幾好飲！😋😋 ～ 窩夫，伯爵茶忌廉配朱古力雪糕 🧇 🍦🍫 $98 窩夫上枱時新鮮熱辣，配埋伯爵茶忌廉同朱古力雪糕，真係好靚，好啱打卡📸😍。窩夫咬落好鬆脆，全部野夾埋一齊食有唔同口感，真係好享受，好好味。一啖甜品一啖咖啡，好正！🥰 呢度嘅咖啡果然係好飲，不愧為得獎咖啡，推介一定要試🥇。小小提示係佢哋只收現金或者payme，記得帶夠錢喇😆！下次想再去試佢其他咖啡😍！ Accro Coffee 📍元朗元朗安寧路162號金城樓地下D號舖 推介程度：❤️❤️❤️❤️❤️ #cafe #accrocoffee #手沖咖啡 #窩夫伯爵茶忌廉配朱古力雪糕 #安寧路 #形點 #隱世cafe#元朗 #香港 #香港美食 #打卡 #打卡美食 #美食 #熱門菜式 #攻略 #chill #週末 #下次要再食