希慎廣場 2024/03/17

Chatuchak!泰式美食一解相思~

銅鑼灣希慎廣場嘅food court位於11樓,呢到嘅樓底好高坐得好舒服,仲有超大玻璃窗可以欣賞銅鑼灣城市景觀👀當中「Chatuchak」價錢親民,菜式選擇豐富,仲係由泰國人主理嘅添!一於叫返幾款泰式美食一解相思~ 鳳尾蝦炒金邊粉 泰式炒金邊粉屬常見嘅泰菜,賣點係多層次嘅味道。嚟得泰國餐廳必叫🙆🏻‍♀️金邊粉好大碟,炒得幾有鑊氣,每條金邊粉都係幼幼的,口感好彈牙,而且炒得根根分明夠乾身,唔會變咗一團痴實晒咁,所以好易夾起。味道以酸甜為主,展現出原汁原味嘅泰式風味,再加埋大隻爽口嘅鳳尾蝦一齊食,口感相當豐富~如果想增加口感仲可以撈少少花生碎,伴碟嘅辣椒粉比較辣,怕辣嘅朋友可酌量添加! 冬蔭功鳳尾蝦湯 大大碗冬蔭功湯配料豐富,裏面有脹卜卜嘅新鮮鳳尾蝦、茹菌及各種香料等。雖然個湯望落去呈鮮紅色,但飲落去味道唔會太辣,個人覺得酸味多過辣味少少,但酸無搶咗辣嘅風頭,反而係酸中有辣、辣中有酸,尾韻又有甘甜,我超鍾意咁剛好嘅酸辣甜比例,可以一口氣將湯通通飲晒😆 套餐可加錢配泰式輕食,我就加咗$28配兩件炸蝦餅~蝦餅炸得脆卜卜,新鮮熱辣,蝦膠非常彈牙,而且蝦味濃郁,食得出係真材實料,沾上泰式甜辣醬,甜鮮辣共冶口中,都係必叫嘅item✨ 炸香茅豬扒 (+$24) 大大塊豬扒以香茅醃製,多汁肉腍唔嚡口,入口微微帶有柑橘香氣及酸味,開胃之餘極之惹味👀 🥢Chatuchak @chatuchak.hk #銅鑼灣#銅鑼灣美食#銅鑼灣好去處#希慎廣場# #食好西#美食推介#美食分享#chatuchak#cwb#food#cwbfood#foodcwb#causewaybay#causewaybayfood #泰國菜#冬陰功#冬蔭功#hkfoodie#hkfood#food#foodstagram#foodblogger#foodphotography#foodies#hkfoodblogger#thaifood#hkfoodblog#hkfoodblogger#食勻全世界

平均消費
HK$0
地址
希慎廣場
香港銅鑼灣軒尼詩道500號
評分
5/5
🤤
cool
下一篇載入中