💕鬧市中嘅隱世小店😋

以前係大角咀返工已經覺得附近好多野食😋 相比起而家返南區,真係多好多選擇🥹 呢間Cobalt係係我離職之後開嘅,所以未試過🥳估唔到佢鋪頭細細但原來暗藏玄機!佢有得包房,一班朋友慶祝/開party 真係啱晒~ 聽聞入面仲有得打牌,玩poker同埋唱K🤩 而且好多酒揀!一入門口就有一排酒櫃😍啱晒酒鬼😈我已經book mark定for下一次搞party😙 講返食物方面先,呢間餐廳提供西餐,又唔少菜式都幾新穎!最令我印象深刻嘅就係鵝肝配白糖糕!白糖糕嘅微甜中和左鵝肝嘅油膩感,再加上旁邊嘅柑同香檳啫喱,成個感覺好Fresh好開胃! 我好欣賞佢呢一個appetiser~ 另一個幾特別嘅菜,就係蟶子海膽意大利飯~蟶子喺中式菜度就見得多,西式菜式就真係好少見到🧐蟶子新鮮微甜,配搭埋海膽意大利飯完全冇違和感,甚至覺得西餐其實都可以用多啲蟶子入饌! 不過唔知係咪個鋪位選擇問題,唔算近其他餐廳,附近亦都多車房,所以當晚食飯唔算好多人,可以靜靜地同朋友傾下計,慢慢食。心情好糾結🤣又想用心嘅餐廳可以有多啲人知道,但又想少啲人知道等我可以慢慢享受😆希望大家唔好同我爭🤪

平均消費
HK$250
地址
利得街36-38號
香港大角咀利得街36-38號
評分
4/5
下一篇載入中