🌿中環小清新風格Café

#中環地膽今次去Café INTIME食個小清新風格嘅晚餐，地點位於中環扶手電梯旁，裝潢以綠色簡約為主；餐牌主打Café 輕食、沙律、意粉、扒類及甜品🍮等。 🍖香煎西班牙粟飼豬扒 $218 超！巨！型！西班牙粟飼豬扒超驚喜！極厚切嘅豬扒，外皮帶點焦香，肉質鮮嫩肥瘦均勻有咬口，肉汁豐富肉味香濃，油脂香而不膩！配左一片焦糖蘋果，口感清新又幾夾！伴碟有大堆頭沙律菜伴醋汁，可減輕油膩感！豬扒下面有好大片薯蓉，口感軟滑帶點牛油香，份量好足！ 🍝香煎帶子配樱花蝦意式香草醬貓耳朵意粉 $188 大大粒帶子煎得香甜惹味，以樱花蝦及香草醬調味，夠natural帶點鮮香！貓耳朵意粉口感煙韌帶點嚼勁，相當出色！ 🍰紐約芝士蛋糕配士多啤梨雪糕🍦$88 紐約芝士蛋糕芝士味濃郁，口感紮實綿密細膩，配埋玫瑰花香及酸酸甜甜士多啤梨雪糕，十分完美！ 🍹飲品點了好fresh 嘅Mango Pineapple Oolong Tea Smoothie ; 同好RICH嘅72% Ice Chocolate ! Oolong Tea 茶味清香！兩杯都好味！ INTIME (中環) 地址📍：中環閣麟街34號美輪樓地下C號舖