【賀年不敗食譜】簡易Q彈賀年桂花馬蹄糕 馬蹄糕，爽口又彈牙，清甜又好味😋，最緊要材料簡單又易整呀！ 按喜好加入桂花，清甜清香，呢個新年又點會少得佢呢~ 呢個食譜真係好食又易做 (失敗位有一個，留意最尾啦~😉)，有興趣就快啲試下啦！ ———————————————— ＜以下食譜係跟朱師傅的馬蹄糕，有需要的朋友可以上youtube睇下片 ＞ 烹飪難易度（1為較易 - 5為較難）：2 烹飪時間：40分鐘 準備時間：30分鐘 🌟材料 去皮馬蹄：225g 馬蹄粉：108g （我用泮塘牌） 清水：324ml 冰糖：140g （覺得比較甜，想清淡啲可以減10％-20％糖） 片糖：46g（覺得比較甜，想清淡啲可以減10％-20％糖） 清水：360g 桂花：適量 🌟做法： 1️⃣馬蹄按喜好切成粒或片狀備用。（我一半粒狀一半片狀） 2️⃣馬蹄粉加入324g清水攪拌至溶解，再過粉篩過瀘一次。 3️⃣先將片糖，冰糖加入360g清水，用細火煮溶。 4️⃣將1/3馬蹄粉水倒入糖水中，然後保持攪拌，糖水會變成薄茨狀。 5️⃣分兩次將餘下2/3馬蹄粉水加入糖水中，保持攪拌。 6️⃣攪拌5分鐘左右，質地似杏仁糊狀就形成半熟漿。(因應火力大小而不同，過程中會有小許粉漿受熱而變透明是正常的，對成品沒有影響) 7️⃣熄火，加入桂花及馬蹄 （如半熟漿成功，馬蹄不會向下沉） 8️⃣將馬蹄漿倒入已搽油的模具中，再蒸20-40分鐘（因應模具大小而定）。 9️⃣放涼後放入雪櫃一晚定形。 🌟重點重點!!! >>最常見得一個失敗位，就係半熟漿煮唔夠，成品出嚟馬蹄會浮晒上面，或者蒸熟都會有水出😰。所以煮漿一定要保持攪拌，直到變➡️糊狀先好加入馬蹄呀。祝大家馬到功成!