中秋週末必去

勁高質Weekend Brunch任食多款海鮮🦞🦀🦐🐠 終於去左Bookmark好耐的中環Porterhouse @porterhouse_lkf 佢地每個星期六日都有Weekend Brunch，自助餐形式任食多款海鮮、熟食、意粉、牛扒、沙律、甜品，十分豐富🤩入座時間有分兩round，11:30am-1:30pm同1:45pm-3:45pm，我地食第二輪，都好準時入座。餐應座位都好闊落，坐得舒服，帶埋老人家、小朋友黎都好適合👨‍👨‍👧‍👧 一入場梗係拎海鮮先🙊凍櫃放左8款海鮮，分別係龍蝦、生蠔、蟹腳、麵包蟹、螺、蜆、蝦，我先每樣都拎左一轉，之後再encore左龍蝦🦞生蠔🦪海鮮都好新鮮，龍蝦隻隻手掌咁大隻、生蠔唔係好大隻但都幾厚肉，食落有海水味。平時食自助餐鐘意拎海鮮既朋友，呢到就岩晒你！食食下仲有每位一隻蒸鮑魚😆 肉類主要有Prime Beef🥩羊架🐏燒豬腩🐷師傅即場切，塊牛都唔錯，好粉嫩，肉質軟腍。沙律吧都好正，好多款式，樣樣試啲都開心。芝士corner有塊蜂巢，切少少拎啲蜂蜜配芝士食都好好味🧀🍯🍯 意粉corner都好有誠意，有師傅即場煮🍝可以同佢講你想要既配料、口味，煮好就會送去我地張枱。要左個芝士白汁蘑菇意粉，好有水準，好creamy幾好食😍😍 甜品方面有8款蛋糕、批類，例如係巴斯克芝士蛋糕、麵包布甸等，樣樣都好精緻🍰🎂🧁🥧當然唔少得仲有雪糕啦～飲品方面，鐘意飲酒的話可以加錢要free flow🥂🍹🍸 海鮮早午自助餐 $598 per adult/ $279 children 📍#Porterhouse Seafood & Steak (#中環美食) #中環 #蘭桂坊德己立街30-32號加州大廈7樓 #2023中秋節